Tolosako Usabal kiroldegia asteon zabaldu lezakete, langileen grebaren ondorioz 6 hilabetez itxita egon ostean
Tolosako Usabal kiroldegiak maiatzetik izan ditu ateak itxita, langileek euren lan-baldintzak hobetzea eskatzeko abiatutako greba mugagabe baten ondorioz. Sei hilabete igaro dira eta, ordutik, bertako Udalak jakinarazi duenez, ezinezkoa izan da udal-azpiegitura hori kudeatzeko ardura duen BPXport enpresaren eta beharginen arteko korapiloa askatzea. Hala, Andu Martinez de Rituerto alkateak azaldu du enpresarekiko kontratua deuseztea dela irtenbide bakarra, "egindako txostenen arabera, eta kanpoko aholkularitza juridikoetan oinarrituta, zerbitzua ez ematearen errudun bakarra enpresa delako".
Horretarako, ezohiko osoko bilkura egingo du gaur Tolosako Udalbatzak, indarrean dagoen kontratua eten eta, aldi berean, kirol instalazioak kudeatzeko lizitazio-pleguak onartzeko.
Lizitazioa urgentziaz kudeatuko dute eta, alkateak iragarri duenez, litekeena da langileek, "behin-behinean bada ere", grebari amaiera ematea eta lanera bueltatzea horri esker. Horrekin bat egin du Aritz Zelaia langileen ordezkariak; izan ere, iragarri du ostegunean lanera itzultzeko prest daudela, gaur egungo enpresaren baldintzetan eta enpresa horren pean, betiere gaur onartuko diren plegu berrietan haien lan-baldintzak eguneratzeko bermea baldin badago.
Hala, lan-gatazkari amaiera ematekotan, litekeena da kiroldegiak asteburu honetan bertan zabaltzea ateak. Martinez de Rituertok ziurtatu du kiroldegia bi egunean jar daitekeela martxan, sei hilabetez itxita egon den arren, egindako ikuskatzeek ondorioztatu baitute ez dagoela kalte larririk: "Epe oso motzean egongo litzateke erabilgarri ia bere osotasunean". Igerilekuari dagokionez, berriz, jakinarazi du astebeteko epea beharko luketela martxan jartzeko.
Alkateak azaldu duenez, kontratua eteteko erabaki nagusia izan da enpresak ez duela adostutako zerbitzua eman luzaroan, eta, hori dela eta, ez du uste bestelako kostu ekonomikori aurre egin behar izango diotenik kontratua deuseztatzeagatik. "Egindako txostenen arabera, eta kanpoko aholkularitza juridikoetan oinarrituta, zerbitzua ez ematearen errudun bakarra enpresa delako", azaldu du.
Hala ere, iragarri du lizitazioa urgentziaz bideratu arren, hilabeteko epea bete beharko dutela eta, seguruenik, BPXport enpresak helegitea aurkeztuko duela aholku juridikoko batzordean. Ondorioz, ez du baztertzen prozesu osoa bizpahiru hilabetez atzeratzea.
Lan-baldintza hobeen aldeko borroka
Usabal kiroldegiko langileek ia urte osoa daramate borrokan haien lan-baldintzak hobetzearen alde. Hiru gai dituzte mahai-gainean: galdutako eros-ahalmena berreskuratzea, klaseak prestatzeko orduak eta lanpostuen kategoriak. Horiek enpresarekin negoziatzeari ekin zioten urtarrilean, baina, negoziazio-saiakerak egin arren, ez dute aurrerapausorik lortu.
Hala, martxoan, 10 eguneko lan-eteteak egin zituzten, eta ondoren, enpresak egindako proposamenari uko egin ostean, greba mugagabeari hasiera eman zioten maiatzean.
Zure interesekoa izan daiteke
Bilbo, errugbiaren lurrikararen epizentroa: Europako finalez gozatzeko gida
Bizkaiko hiriburua errugbiaren epizentroa izango da maiatzaren 22an eta 23an. EPCR Challenge Cup eta Investec Champions Cup taldeen finalak hartuko ditu San Mamesek, milaka zalez, doako gune ludikoez, zuzeneko musikaz eta giro ezin hobeaz beteko duen nazioarteko ekitaldian.
Arguedasko hilketako ustezko hiltzailea ostegun honetan izango da epailearen aurrean
43 urteko gizona bere kabuz joan zen astelehenean Valtierrako Guardia Zibilaren kuartelera, eta bikotekideari eraso egin ziola aitortu zuen. Arguedasko Udalak hiru dolu-egun ezarri ditu hilketa matxistagatik, eta herrian gaitzespen elkarretaratzea egin dute biktimaren oroimenez.
Auto-pilaketak AP-8 autobidean, Elgoibarren, kamioi bat matxuratuta dagoelako
Ibilgailu astuna goizeko lehen orduan geratu da bide bazterrean, baina oraindik ere errei bat itxita dago eta auto-ilara luzeak daude.
Euskalduna Bilbaok musika areto onenaren aitortza jaso du Eventex Awards 2026 sarietan
Sektoreko nazioarteko adituek osatutako epaimahaiak bereziki nabarmendu ditu "Jauregiaren gaitasun tekniko aparta, nortasun kultural sendoa, programazio jarraitua eta publikoarekin duen lotura”.
Arguedaseko agintariek eta auzokideek Saida al-Yusifen hilketa gaitzetsi dute
Elkarretaratze jendetsua egin dute Udaletxeko plazan. Gainera, Udalak hiru dolu-egun ezarri ditu herrian.
Gizon batek bikotekide ohia hil du kalean, Figueresen (Girona)
Gizona astelehenean atxilotu zuten, emakumearenganako urruntze-agindua urratzeagatik.
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.