EAE da ikerketarako Europako funts gehien lortu dituen erkidegoa biztanleko
Euskadi da ikerketarako Europako funts gehien lortu dituen autonomia erkidegoa biztanleko. Zehazki, Horizon Europe programatik 240 milioi euro eskuratu ditu 2021 eta 2022 urteen artean, eta, guztira, ikerketarako 1.648 milioi euro azken 20 urteotan.
Jokin Bildarratz Eusko Jaurlaritzako Hezkuntza sailburuak Zientzia Euskadin 2023 Txostenaren emaitzak aurkeztu ditu gaur goizean, Adolfo Morais Unibertsitate eta Ikerketako sailburuordea eta Fernando Cossio Ikerbasqueko zuzendari zientifikoa alboan zituela. Txostenak ikerketa arloko langileei, zientziaren finantzaketari, emaitza zientifikoei eta transferentzia teknologikoari dagozkien Euskadiko emaitza nagusiak bildu ditu, Ikerboost Euskal Zientzia eta Teknologiaren Behatokiak monitorizatutako adierazleen bitartez.
EAEk ikerketa eta garapeneko I+G jardueretan 1.800 miloi euroko inbertsioa egin du 2022. urtean, aurreko urtean baino % 9,1 gehiago, Eustatek argitaratutako datuen arabera. Euskadik BPGaren % 2,3 bideratzen du ikerketara eta, portzentaje hori aintzat hartuta, I+G jardueretan gehien inbertitzen duen Estatuko autonomia erkidegoa da, Espainiako Estatistika Institutuak argitaratutako azken datuen arabera.
2021. urtean, Euskadiko historian lehenengoz, 22.000 pertsona baino gehiago aritu ziren ikerketa jardueretan. Hortaz, Euskadiko biztanleria aktiboaren % 2 baino gehiago ari da I+G jardueretan lanean, hau da, 100 langileetatik bi. Datu horiek eskuan, lehendabiziko erkidegoa da Espainiako Estatuan.
Bestalde, EAEko ikertzaileen lana 7.818 argitalpen zientifikora iritsi zen 2022an. Datu hori "aurreko urteko ekoizpen apartekoaren antzekoa" eta pandemia aurreko produkzioa baino % 14 handiagoa da.
Zure interesekoa izan daiteke
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dira udaleku horietan parte hartu zuten adingaberen familien partetik, sexu-erasoa eta exhibizionismoa delituengatik.
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. 'Vencal' operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.