Ertzaintzak atxilotu egin du Lezon bi gazte hil diren istripuan nahasitako autoetako baten gidaria
Bi pertsona hil eta bost zauritu dira gaur goizaldean Lezon izan den auto-istripu batean. Ertzaintzak ikerketa hasi du zer gertatu den argitzeko, eta, ordu gutxira, istripuan nahasitako autoetako baten gidaria atxilotu dute, Segurtasun Sailak jakitera eman duenez.
Atxilotua Frantziako nazionalitatea duen 21 urteko gizonezko bat da. Antza denez, istripua gertatu denean BMW autoa gidatzen ari zen pertsona da. Auto horrek aurrez aurre jo du beste bat GI-636 errepidean, Lezo parean, eta bigarrenean zihoazen 20 eta 22 urteko bi gizonezko hil dira. Gainera, bost pertsona zauritu dira ezbeharrean.
Atxilotuari bide-segurtasunaren aurkako delitua eta zuhurtziagabekeria larriagatik eragindako giza hilketa leporatu dizkiote, Ertzaintzak egindako lehen ikerketen ondorioz.
Frantziako gidari gaztea Donostia Ospitalera eraman dute artatzera, eta epailearen esku utziko dute alta eman ondoren.
Elkar jo dute 03:45ean
Ezbeharra 03:45ean izan da, GI-636 errepidean. Frantzian matrikulatutako BMW 116 autoan hiru lagun zihoazen Espainiako matrikula zuen Ford Orion bat aurrez aurre jo duenean. Lau lagun zihoazen bigarren auto horretan, eta, kolpearen ondorioz, bidaiarietako batzuk barruan harrapatuta geratu dira. Suhiltzaileek atera behar izan dituzte, eta bi bertan hil dira. Hildakoak 20 urteko Pasaiako mutil bat eta 22 urteko Lezoko beste bat dira.
Zaurituak Donostia Ospitalera eta Bidasoko Ospitalera eraman dituzte eta horietako bat, Donostiako neska gazte bat, hil ala biziko egoeran dago.
Errepidea hainbat orduz itxita egon ostean, eguerdian ireki dute. Ertzaintzak ikerketa ireki du istripuaren nondik norakoak argitzeko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.