Maila akademikoak atzera egin du mundu osoan, baita EAEn eta Nafarroan ere, pandemiaren ondorioz
2022ko Pisa txostenaren arabera, autonomia-erkidego eta munduko herrialde ia guztietan puntuazioek behera egin dute, Japonian eta Korean izan ezik. Jaitsiera orokorra pandemiaren ondorioei egotzi diete txostenaren arduradunek. Euskadi eta Nafarroako datuek ere okerrera egin dute, 2018ko adierazleekin alderatuz.
Aurten, Pisa txostenak gaitasun matematikoa izan du ardatz, baina zientziei eta irakurmenari buruzko ebaluazioak ere jaso ditu. Txosten honetan, 15 urteko ikasleek hartu dute parte. EAEren kasuan, 96 ikastetxe ezberdinetako 3.350 ikasle dira.
Gaitasun matematikoei dagokienez, azterketak erakusten du puntuazioak behera egin duela, oro har, ia autonomia-erkidego guztietan, baita munduko ia herrialde guztietan ere. Zehazki, Euskadik 482 puntu lortu ditu arlo horretan. 2018ko txostenean baino 17 puntu gutxiago dira, baina EAEk ELGAren (472), EBren (474) eta Espainiaren (473) batez bestekoaren gainetik jarraitzen du.
Zehazki, bederatzigarren autonomia-erkidegoa da zerrendan. Hala, EAEk eta Nafarroak Herbehereak, Finlandia, Danimarka, Belgika, Alemania, Suedia edo Frantziaren antzeko balioetan jarraitzen dute, eta Errioxa, Galizia edo Aragoiren pare. Nabarmendu behar da ia herrialde guztiek egin dutela behera gaitasun matematikoan, eta jaitsiera hori, batez ere, munduan bizi izandako pandemiaren osteko egoerari egotzi dio PISA txostenak.
Irakurketa-ulermenari dagokionez, Euskadik 466 puntu lortu ditu PISA txostenean (2018ko txostenean baino 9 gutxiago). Hemen, EAE ELGAren batez bestekoa (476) baino hamar puntu beherago dago, eta Espainia (474) eta EB (475) baino zortzi eta bederatzi puntu azpitik. Hezkuntza Sailak azaldu duenez, puntuen arteko aldea egon arren, ez da "estatistikoki esanguratsua" EBrekiko eta Espainiarekiko, baina bai ELGErekiko konparazioan. Batez besteko errendimenduari dagokionez, Euskadi Herbehereak, Portugal, Norvegia, Israel, Frantzia edo Esloveniaren pare dago.
Azkenik, gaitasun zientifikoari dagokionez, Euskadi ELGAren (485), Europar Batasunaren (484) eta Espainiaren (485) datuetatik gertu dago. Guztira, EAEk 480 puntu lortu ditu, duela lau urte baino zazpi gutxiago.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.