Otsoaren babesa murriztea eskatu du Bruselak, "ganaduaren aurkako erasoak areagotu direlako"
Europako fauna eta habitatak babesteko Bernako Hitzarmenean oinarrituta, otsoen populazioek orain jasotzen duten babes integrala murrizteko eskatu du gaur Europako Batzordeak, espezie hori kudeatzeko arauak "malgutzeko", "Europako hainbat tokitan abereen aurkako erasoak areagotu direlako, eta tokiko komunitateekin izandako gatazkari aurre egiteko".
Proposamenak otsoen babesa espezie horren populazioa handitzeak dakarren "erronkarekin" uztartzeko beharrari erantzuten dio, eta, hori, "biodibertsitatea eta espeziea kontserbatzeko helburuari eutsiz", Virginijus Sinkevicius Ingurumen komisarioak ohar batean adierazi duenez. Bruselak, bitartean, tokiko eta estatuko agintariei "laguntzen" jarraituko diela bermatu du, otsoa beste haragijale handi batzuekin batera "bizitzeko".
Europako Kontseiluaren Bernako Hitzarmenaren barruan, "babes zorrotza" kategoriatik "babes soila" kategoriara igarotzeko aldaketa aurretiazko urratsa da, Bruselak, ondoren, espezie horren kudeaketari eragiten dioten Europar Batasuneko arauak berrikusteko aukera izan dezan. Guztira 50 Estatuk (EBko 27 herrialdeak barne) sinatu zuten 1979an ezarritako hitzarmen hau.
Europako Batzordeko presidente Ursula von der Leyenek berak 2022ko azaroan iragarri zuen Europar Batasuneko zerbitzuei otsoaren susperraldiak EBko eremuetan izan duen eraginari buruzko "azterketa sakona" egiteko enkargua emateko asmoa. Alemaniako politikariak erabakia, bere herrialdeko prentsak geroago azaldu zuenez, otso batek haren poney bat hil eta gutxira hartu zuen.
"Otsoaren itzulera berri ona da Europako biodibertsitatearentzat, baina Europako zenbait eskualdetan animaliak pilatzea benetako arrisku bihurtu da, batez ere abereentzat", argudiatu du Von der Leyenek ohar batean.
Europako Batzordeak oraindik ere 27 herrialdeen babesa behar du Europako Kontseiluaren hitzarmenaren aurrean otsoaren babesa murrizteko eskaera egin ahal izateko.
Asteartean, otso baten burua Villanueva de Santo Adriano (Asturias) herritik gertu dagoen oinezkoentzako pasabide batean esekita agertu zen, Hartzaren Zidorra deiturikoaren barruan. Ibilbide berde hori Asturiasen dago, trenbide zahar baten gainean. Azken urteotan antzeko gertakariak jazo dira, bai Asturiasen, bai Burgosen edo Sorian, eta areagotu egin dira, Espainiako Gobernuak otsoa espezie babestuen zerrendan (Lespre) sartzea erabaki ondoren. Horrek eragotzi egiten du uxaldiak egitea populazioa kontrolatzeko.
Euskadin, Urkabustaizko (Gorbeialdea, Araba) abeltzainek uxaldia antolatu behar izan zuten iragan apirilean otsoak izutzeko.
Espainiako Estatuan, Nekazari eta Abeltzainen Erakundeen Koordinakundeak (COAG) eta Nekazari eta Abeltzain Txikien Batasunak (UPA) txalotu egin dute Europako Batzordearen jarrera, eta Espainiako Gobernuari eskatu diote jarraibide horiek bete ditzala. COAGek Bruselaren proposamena positibotzat jotzen duen arren, "duela urte dezente hartu" beharko zatekeela uste du.
Ildo beretik, UPAk "oso positibotzat" jo du Europako Batzordeak emandako urratsa, otsoaren "benetako" egoera aitortu baitu, eta ofizialki jabetu baita "eremu jakin batzuetan abeltzaintzari eragiten dizkion kalte eta arazo larriez".
WWF eta IFAW nazioarteko gobernuz kanpoko erakundeek, ostera, Bruselaren proposamena baztertzeko eskatu diete EBko Estatu kideei. "Erabaki eskandalagarria da, eta ez du justifikazio zientifikorik, arrazoi pertsonalengatik hartu baita", adierazi du Sabien Leemans WWFren Europako Politika Bulegoko biodibertsitate-politiken arduradun nagusiak.
Bestalde, IFAWk kritikatu duenez, munduak "aurrekaririk gabeko biodibertsitate krisiari" aurre egin behar dion bitartean, Europako Batzordeak "sua piztu" nahi du, otsoen babesa murriztuz.
Zure interesekoa izan daiteke
Osasun Itunak ez dituela Osakidetzako arazoak konpondu salatu dute osasun publikoaren aldeko plataformek
Elkarretaratzea egin dute EAEko hiriburuetan, murrizketak salatzeko. Osasun sailburuari hobekuntzaz hitz egiteari uzteko eskatu diote. Mediku falta, itxarote zerrendak, hizkuntza eskubideen urraketak edota psikologo falta daudela salatu dute eta manifestazioak deitu dituzte apirilaren 18rako.
Donostia osoa txuri-urdinez janzteko deia egin du Udalak
Jon Insausti alkateak eta Realak hiritarrei eta Gipuzkoako gizarteari dei egiten diete eraikinetako balkoi eta leihoak bandera txuroi-urdinez apaintzeko. Xabi Prieto eta Aintzane Encinas jokalari ohiak ilusioz beteta agertu dira finalarekin eta Gipuzkoak egunotan bizi duen giroarekin.
Kutxa Fundazioak atzera egin eta Eureka! zientzia museoa zabalik mantenduko du
Erakundeak jakinarazi du azken asteotan egindako "entzute-prozesu" baten emaitza dela erabakia. "Kutxa fundazioak Eurekarekiko babes eta afektu adierazpen ugari jaso ditu, museoak Gipuzkoako herritarrentzat duen balioa berresten dutenak", esan dute.
Bi pertsona ikertzen ari dira, Ean piztutako baso sutearekin zerikusia dutelakoan
Ertzaintzak uste du kobrea lortzeko kablea batzuk erretzen hasi direla, eta ezin izan dutela erreketa kontrolatu. Sua inguruko baso batera zabaldu da, eta 2,7 hektarea inguru kiskali ditu.
Zainketa aringarrien estrategia berria onartu dute
Hemendik aurrera, zainketa aringarrien protokoloa ez zaie soilik sei hilabete baino gutxiagoko biziraupena duten gaixo terminalei. Gaixotasunak eragindako sufrimendua izango da kontuan hartuko dena.
"Gernika" Euskadira lekualdatzea, arazo teknikoa ala politikoa?
Picassoren Gernika Euskadira ekartzea arazo teknikoa da, ala politikoa? Hortxe dago koska, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz, eta biek diote artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuen ustez, kalteak eragiteko arriskua handiegia da, eta ez du merezi; beste batzuen aburuz, aldiz, egin, egin izan dira halakoak lehen ere, eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.