Jundizen ezbeharra izan zuten ibilgailuak ez zebiltzan elkarren arteko lehian, Udaltzaingoaren arabera
Gasteizko Udaltzaingoak ostiralean, Jundizko industriagunean, jazotako zorigaiztoko ezbeharra ikertzen jarraitzen du. Bi gazte hil eta beste bat larri zauritu ziren bi autoren arteko istripu batean. Iñaki Gurtubai Gasteizko Udaleko Segurtasun eta Trafiko zinegotziak esan du ikerketa abian dagoela, eta datu guztiak ez dituztenez, "zuhurtziaz" hitz egin behar dela, baina baztertu egin du bi ibilgailuak (BMW bat, potentzia handikoa, eta Volkswagen Polo bat) elkarren arteko lehian ari zirela. "Ez du zentzurik, BMWan pertsona bakarra zihoan, eta Poloan, lau", erantsi du.
Radio Euskadiko "Boulevard" saioan egindako elkarrizketa batean azaldu duenez, hainbat pertsonak, 2-3k, lekuko gisa deklaratu dute jada, eta ezbeharrean arin zauritutakoak ere galdekatu behar dituzte oraindik. Gainera, segurtasun kamerek grabatutako irudiak eskatu dituzte. Dena dela, herritarren laguntza eskatu du beste behin. "Gero eta informazio gehiago izan, hobeto jakingo dugu zer gertatu zen, eta, hala, osoagoa izango da atestatua", nabarmendu du.
Lehen hipotesien arabera, "BMWa abiadura bizian zihoan, ezarritako mugatik oso gora. Volkswagen Poloa geldi edo bidera ateratzen zegoen argitu behar dugu".
Gurtubairen hitzetan, lasterketak edo maniobra arriskutsuak egiteko topaketak "ohikoak" dira Jundizen, Gamarrako industriagunean edo Gasteiztik gertu dagoen Nanclares Okan, eta halakoetan horiek zaintzen ibiltzen dela Udaltzaingoa. Ostiralean ere hala izan zen, eta 23:00etatik 01:30era patruilak egon ziren inguruan. "Tarte hartan ez zen aparteko ezer gertatu, eta zeuden ibilgailu gehienak, 50 bat, joan egin ziren. Polizia joan zenean auto batzuk baino ez ziren geratzen han, eta tartean ziren istripua izandako biak", argitu du.
Dena dela, ez du uste "benetako irtenbidea" polizia zaintza areagotzea edo konkorrak jartzea denik. Azpimarratu duenez, gazte jendea sentsibilizatu behar da tankerako ekintzak ez egiteko: "Oso arriskutsuak dira, eta batzuetan tragedia bihurtzen dira", deitoratu du.
Zure interesekoa izan daiteke
Eskola jazarpenagatik iaz aztertutako 2.263 kasuetatik 522 baieztatu ditu Hezkuntza Sailak
2024-25 ikasturtean eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.