Haurren legeak debekatu egingo du umeak edari energetikoen eta janari lasterraren iragarkietan erabiltzea
Haur eta nerabeen legeak debekatu egingo du umeak eta nerabeak edari energetikoak eta janari lasterra iragartzeko erabiltzea. Debeku horri gehitu behar zaio kolektibo berdina edari alkoholdunen eta tabakoaren publizitatea egiteko erabiltzearena, hasierako proiektuan jasota zegoen bezala.
Halaber, jasoko da haur eta nerabeei zuzendutako publizitatean ezingo direla sartu janari lasterra eta edari energetikoak.
Hala, arauak ezartzen du debekatuta dagoela haurrak eta nerabeak erabiltzea edari energetikoak eta janari lasterra iragartzeko. Debeku hori gehitu behar zaio edari alkoholdunen eta tabakoaren iragarkietarako proiektuan dagoenari, bai eta eduki pornografikoa, esplotazioa, tratu laidogarria edo delituak sustatzen dituzten jarduerak iragartzeko ere.
Bestalde, arauak genero-ikuspegiaren printzipioa ere sartzen du legearen printzipio nagusien barruan, eta ikuspegi hori zeharkakotasunez lantzeko oinarriak ezartzen ditu.
Era berean, babesgabetasun-egoeran dauden haurren eskubideak indartuko ditu, hala nola zainketa aringarriak haien esku jartzea, haurren arreta psikologikoa Osakidetzaren barruan kokatzea eta haur-pobrezia prebenitzeko laguntzak Diru-sarrerak Bermatzeko Erretarekin (DSBE) bateragarriak izatea.
Adingabeen tutoretzaren eremuan, adingabe horien "hitza erdigunean kokatzen du" jatorrizko familian itzuli nahi duten ala ez erabakitzeko orduan.
Beste alde batetik, erakunde publikoen konpromisoa jasotzen du arauak, jaiotzagatiko eta adopzioagatiko prestazioen kantitatea eta baimenen denbora egungo zenbatekoetatik eta epeetatik haratago pixkanaka handitzeko.
Gainera, arauak Interneten erabilera seguruari eta arduratsuari buruzko hezkuntza-kanpainak egitea jasotzen du, baita adingabeen pornografiaren kontsumoak eragindako arriskuei buruzkoak ere.
Legeak, halaber, erakundeen apustu bat ere jasoko du, emakumeen kirola bultzatzeko eta sustatzeko kategoria guztietan, eskola- eta eskolaz kanpoko eremu guztietan eta aisialdian.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.