Hiru gazte zauritu dira Zokoan, horietako bat larri, etxe bateko balkoia behera etorrita
Hiru pertsona zauritu dira Zokoan (Ziburu, Lapurdi), etxebizitza bateko balkoia behera erorita, EITB Mediak jakin duenez.
Zokoko gotorlekuaren ondoan dagoen etxebizitza batean jazo da ezbeharra, 14:00ak aldera.
Passicot komandantea etorbideko eraikin bateko bigarren solairuko egurrezko balkoi bat bat-batean erori da, eta bertan zeuden 19 urteko hiru gazte goitik behera erori dira, zazpi bat metroko altueratik.
Hiruretako bat larri zauritu da, eta beste biek kolpe handia hartu dute. Larrien dagoena Baionako ospitalera eraman dute, eta beste biak, Donibane Lohizunekora.
Beste hiru pertsona zeuden apartamentuaren barruan istripua izan denean, eta gertaerak jota utzi ditu. Medikuek artatu behar izan dituzte horiek ere, han bertan.
22 pertsona eta larrialdi-zerbitzuetako 8 ibilgailu mobilizatu dituzte. Suhiltzaileek eta udal zerbitzuek eraikina ikuskatu dute, baina ez dute ikuskapen horren emaitzen berri eman.
Zure interesekoa izan daiteke
Abenduaren erdialdean irekiko dute Bilboko Zabalguneko aparkalekua, 549 plazarekin
Santurtziko alkateak "onartezintzat" jo ditu Anderren atxiloketaren irudiak
Zer neurri proposatzen ditu KIDS Legeak adingabeak Interneten babesteko?
SOS-Deiak larrialdi zerbitzua ordu erdi etenda egon da sistemako akats baten ondorioz
Ezkontza kopurua % 8,4 gutxitu da Euskadin urteko lehen hiruhilekoan
Gizon bat atxilotu dute Bilbon, ibilgailuak erregistratzeko eta delituak egiteko mutil baten identitatea usurpatzeagatik
Euriteek gutxienez hildako bat utzi dute Katalunian
Bengoetxea: "Epaia sakon aztertuko dugu helegitea aurkeztu edo ez erabakitzeko eta moldatzen ari garen dekretua hobetzeko"
Oporrak baimenik gabe 17 egunez luzatu zituen langilearen kaleratzea berretsi egin du Nafarroako Justizia Auzitegi Nagusiak
