"Zuzenagoa, azkarragoa eta seguruagoa" izango da Debagoiena eta Durangaldea arteko lotura, tunel bati esker
Gipuzkoako eta Bizkaiko aldundiek bide berri bat iragarri dute, Kanpazarretik, Arrasate eta Elorrio artean, N-636 errepidea berritzeko ahaleginean. 6 milioi euroko aurrekontua gorde dute horretarako, eta aurreikusi obra 42 hilabetean egingo dutela.
Gipuzkoako Bide Azpiegituren diputatu Maria Ubarretxenak eta Bizkaiko Azpiegituretarako eta Lurralde Garapenerako diputatu Imanol Pradalesek prentsaurrekoan nabarmendu dute proiektua mugarri dela Beasain eta Durango arteko korridorearen eraldaketan, Goierri, Debagoiena eta Durangaldea modu "seguruago eta erosoagoan" lotuko baititu.
Azaldu dutenez, Kanpazarren dauden bihurguneak saihestuko ditu bide berriak, han eraikiko duten tunel bati esker. Hartara, "zuzenagoa, azkarragoa eta seguruagoa" izango da errepide berria.
Pradalesen hitzetan, proiektua aurten hasteak "erronka komunei aurre egiteko herri gisa dugun gaitasuna" erakusten du.
Elorrioko saihesbidearen bukaeran hasiko da bide berria
Esan bezala, Kanpazarreko mendatea zeharkatuko duen 830 metro luzeko tunel bat eraikiko dute bide berrian. Gipuzkoako zatian amaituko da tunel hori, Epeleko lotunean.
Hiru errei izango ditu errepideak, bi gorako noranzkoan, eta bakarra beherakoan. Orduko 80 kilometroko abiadura hartuko dute han ibilgailuek, gehienez, eta horrek "zirkulazio arina eta segurua bermatuko du".
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoa (MIT) lehen postuan mantentzen da hamalaugarren urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.