3.000 pertsona baino gehiagok sinatu dute Gipuzkoako Trekutz parke eolikoaren aurka
Antzuolako eta Urretxuko lurrei eragingo dien Trekutz parke eolikoaren aurka egiteko asmoz, lehenengo udalerri horretako Meaka-Irimo herri plataformak 3.000 sinadura baino gehiago bildu ditu alegazioetan, eta horiek guztiak aurkeztu zituen otsailaren 6an Gipuzkoako Industria Administrazioaren Lurralde Ordezkaritzan.
Cilda Energy enpresak proposatutako proiektua Euskal Herriko Agintaritzaren Aldizkarian argitaratu zen abenduaren 15ean. Harrezkero, plataformak aktiboki parte hartu du alegazioak prestatzen, tokiko Udalarekin elkarlanean. Horrela, ekimenak Irimo mendian planifikatutako proiektu eolikoaren aurkako 3.022 sinadura bildu ditu, besteak beste.
Urtarrila osoan zehar, alegazio teknikoak babesteko beharrezko dokumentazioa biltzen jardun du plataformak, eta, era berean, herri-alegazioaren eredu bat egin du. Azken puntu horretan, Antzuolako herritarren partetik jasotako "babes zabala" nabarmendu du taldeak, baina, batez ere, kanpotik jasotakoagatik, "bereziki Azkoititik eta Azpeititik".
Meaka-Irimo herri plataformak energia berriztagarrien garrantzia azpimarratu du, "behar-beharrezkoak direla argi utzita", baina ohartarazi duenez, "ezin dira inposatu eta zabaldu era desordenatuan eta multinazionalen mesedetan eta haien apeten arabera".
Alegazioak aurkeztuta ere, taldeak lanean jarraitzeko konpromisoa agertu du, eta datozen egunotarako bi ekimen iragarri ditu: lehenik, otsailaren 17an, Antzuolako 8 Milak mendi-lasterketan aldarriak ikusgai jarriko dituzte; eta, geroago, otsailaren 25ean, giza-kate bidez irudikatuko dute Irimon jarri nahi duten aerosorgailuetako bat, tamaina errealean.
Zure interesekoa izan daiteke
Jose Ignacio Lopez de Arriortua, "Superlopez", hil da
Zornotzarra jaiotzez, automobilgintzan izan zuen ibilbide oparoarengatik izan zen ezaguna.
Martxoaren 3ko sarraskia oroitarazteko artelan berri bat egin dute Gasteizen, jatorrizkoaren gainean
Gasteizko Zaramaga auzoan, Martxoaren 3ko sarraskian oinarritutako jatorrizko muralaren gainean artelan berri bat egin dute. Pinturak 180 metro koadroko azalera hartzen du, eta jatorrizkoaren konposizioa eta aldarrikapen-mezua errespetatzen ditu.
Euskadi eta Nafarroa, % 95etik gorako emaitzekin unibertsitatera sartzeko probetan
24.700 ikasletik gora aurkeztu dira Hego Euskal Herrian, eta hizkuntza-ereduen arabera aldeak nabarmenak dira: Euskadin, euskaraz ikasi dutenen % 96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko eta Batxilergoko orientatzaileek eta Lanbide Heziketako adituek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.