Haizeak dozenaka arazo eragin ditu eta bi lagun zauritu dira Donostian, zuhaitz bat gainera erorita
Haize-bolada bortitzek (120 km/h-koak kostaldean) dozenaka arazo eragin dituzte Euskal Herrian. Tartean, bi pertsona zauritu dira zuhaitz bat gainera erorita, Donostian.
Eusko Jaurlaritzako Segurtasun Sailak jakitera eman duenez, Larrialdietako Zerbitzuek 70 urteko gizon bat erreskatatu dute, Urbitarte pasealekuan, Donostiako hipodromotik gertu, zuhaitz bat gainera erorita harrapatuta geratu ondoren. 68 urteko emaztea ere zauritu da.
12:30 aldera izan da gertakaria eta bi zaurituak Donostiako ospitalera eraman behar izan dituzte.
150 intzidentzia
Alerta laranjan egon dira Bizkaiko eta Gipuzkoako haizeguneetan haize-bolada bortitzengatik 9:00etatik 15:00etara eta tarte horrean Matxitxakoko estazio meteorologikoan, Bermeon, 155 km/h-ko haize-boladak neurtu dituzte, 142 km/h-ko ufadak Karrantzan eta 137 kilometrokoak Garbean (Balmaseda), besteak beste. Lapurdin ere gogor jo du haizeak eta 130 km/h-ko ufadak izan dira eguerdian Zokoan eta 113koak Biarritzen.
Gauzak horrela, guztira, 150 gertakari inguru erregistratu dira Euskadin haize-boladengatik (82 Gipuzkoan, 61 Bizkaian eta 2 Araban) eta 200 intzidentzia artatu dituzte, berriz, Pirinio Atlantikoko suhiltzaileek, adarrak, zuhaitzak eta hiri-altzarien zatiak erori direlako, batez ere.
Mañarian zuhaitz bat erori da Urkiolako igoeran, Getxon ontzi batek amarrak hautsi ditu eta Barrikan zuhaitz bat erori da, Osakidetzako anbulantzia bat kolpatuz, baina ez da inor zauritu. Donostian ere, seigarren pisuko balkoi bat erori da, baina ez da inor zauritu
Baiona eta Akize arteko tren-zerbitzua etenda egon da 14:00etatik 15:30era, zuhaitz bat erori delako trenbidera, eta Hazparnen teilatu bat eraman du haizek.
Itsasoan ere abisu horia egon da 15:00ak arte baina normaltasuna itzuli da arratsaldean.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.