Uriarteren ibilbidea aintzatetsi nahi izan dute Urkulluk, Otegik, Ortuzarrek eta ETAren zenbait biktimak
Juan Maria Uriarte Goiricelaya Donostiako gotzain emerituaren heriotzaren berri izan ondoren, hainbat politikarik, biktimak eta Elizatik gertu dauden elkarte sozialek doluminak eman dituzte sare sozialetan zabaldutako mezuetan.
Iñigo Urkullu lehendakariak Uriarte "gizon ona" zela nabarmendu du, eta "bakea eta bizikidetza lortzeko" lan egin zuela: "Elizgizon eta pertsona ona, ona, beti gertu eta prestu behar gehien dutenei laguntzeko, gure herriaren alde egiteko, bakea eta bizikidetza lortzeko, giza eskubideak bermatzeko, gizarte justuago bat eraikitzeko... Maisua! Berak egindako ibilbidea, jarraipena emateko modukoa. Oparoa izan da bere bizitza eta bere ekarpena. Orain, bere senideei eta eliz-kideei, bere lagun eta adiskide guztiei gure doluminak eta besarkadarik estuena eta beroena. Gizon eta gotzain handia, goian bego! Otoi eta oroi!".
Arnaldo Otegi EH Bilduko koordinatzaileak ere "herri honen bakerako eginiko lan nekaezina" nabarmendu du.
Besteak beste, Juan Jose Ibarretxe lehendakariak, Andoni Ortuzarrek, Juan Mari Aburtok, Maddalen Iriartek, Imanol Pradalesek, Iñigo Martinez eta Rafa Larre¡nak ere Uriarteren ibilbidea eskertu dute sare sozialetan zabaldu dituzten mezuetan.
¿ Agur eta ohore, Juan Mari Uriarte! Un hombre bueno, de paz, de reconciliación. Euskaldun 'kilómetro cero', tuvo un papel callado, pero muy eficaz, en la superación de la violencia en Euskadi. Goian bego!
ETAren biktimek ere nabarmendu dute Donostiako gotzain emerituaren papera. Josu Elespe ETAk 2001ean Lasarte-Orian hil zuen Froilan Elespe PSE-EEko zinegotziaren semeak "ETArekin kritiko eta biktimekiko sentikor izan zen Donostiako lehen gotzaina" izan zela nabarmendu du, eta Maria Jauregi ETAk 2000ko uztailean hil zuen Juan Mari Jauregi politikari sozialista eta Gipuzkoako gobernadore zibilaren alabak gogoan izan du Uriarte izan zela bere etxera joan zen "bakanetakoa".
Mercedes Gallizo Espainiako Espetxeetako zuzendari nagusi eta Espainiako Gobernuko Barne Ministerioko Espetxeetako Idazkaritza Nagusiaren buru izan zenak ere esan du Uriarte "bakearen alde atsedenik gabe lan egin zuen gizon ona, diskretua eta konprometitua" izan zela.
Gipuzkoako Caritasek ere bere doluminak eman ditu, Elizarekin nahiz Donostiako Elizbarrutiarekin zerikusia duten beste hainbat elkartek bezala:
Biografia
1933ko ekainaren 7an Fruizen (Bizkaia) jaioa, Teologia eta Psikologia ikasketak egin zituen, eta Eliza katolikoaren hierarkian zenbait postutan aritu eta gero, Donostiako gotzain izendatu zuten 2000. urtean. 2010era arte izan zuen ardura hori.
Urteak igaro ahala, indarra hartu zuen Uriartek bakearen alde hartutako "konpromisoak", eta 1998ko su-etenean jo zuen goia; izan ere, Jose Maria Aznarrek bitartekari hautatu zuen ETAk eta Espainiako Gobernuak Suitzan 1999ko maiatzean egindako bileran. Kritika askoren erdigunean egon zen orduan, distantziakide izatea egotzi baitzioten.
Haren itzalak, gainera, presente jarraitu zuen, besteak beste, PSE-EEren eta Batasunaren arteko elkarrizketetan —su-eten iraunkorra ekarri zuten—. 2007an, bestalde, Jose Luis Rodriguez Zapateroren Gobernuarekin hitz egin zuen Iñaki de Juana Chaos ETAko presoari zigorra arintzeko helburuarekin.
2012an, Rafa Diez Usabiaga LABeko buruzagi ohia bisitatu zuen kartzelan. Handik urtebetera, Sabino Arana Fundazioaren saria jaso zuenean, armak uzteko eskatu zion ETAri, eta Espainiako Gobernuari, "espetxe politika leuntzea, prozesua ustel ez zedin".
Alabaina, Radio Euskadiko "Ganbara" saioari 2022ko martxoan eman zion elkarrizketan, Uriartek adierazi zuen ETAk armak utzi zituenetik igarotako denbora ez zela nahikoa euskal gatazka bukatutzat emateko. "Belaunaldiak igaro behar dira horrelako gatazkak ixteko. Adituen ustez, 10 urte ez dira nahikoa bizitako drama aintzat hartzen bada", esan zuen. Horren ustez, "armak isildu egin dira, baina adiskidetzea armen bakea baino askoz haratago doa"; izan ere, "memoria, egia, justizia, elkarrizketa eta barkamena" ditu atzean.
Hileta-elizkizuna astelehen honetan izango da, 17:00etan, Bilbon, Begoñako Basilikan.
Zure interesekoa izan daiteke
Milaka bidai eta askotariko ekitaldiak, Bilboko metroaren 30. urteurrena ospatzeko
Bilboko metroaren 30 urteak beti bezala iritsi dira: hiru lineetako geltokien artean milaka ibilbide eginez. Erabiltzaileek metrorik gabe nola bizi zen izan dute gaur buruan, eta etorkizunari begira jarri dira.
STOP AHT Zundaketak taldeak udalei eskatu die zundaketa lanetan ez laguntzeko
Aurreikuspenen arabera, Ataunen, Idiazabalen, Beasainen eta Bakaikun dira zundaketak egitekoak, 'Euskal Y'-aren eta Nafarroaren arteko lotunea aztertzeko.
GOIDIaren biktimen protesta Valentziako Gorteen atarian, Mazonen agerraldia dela eta
Valentziako GOIDIaren biktimen elkarteek elkarretaratzea egin dute Valentziako Gorteen atarian, Carlos Mazon Generalitateko jarduneko presidentea ikerketa batzordean agerraldia egiten ari zen bitartean. Epaitegira joateko diputatu akta ez uztea aurpegiratu diote biktimek Mazoni.
Eusko Jaurlaritzak etxaldeei eskatu die hegazti gripeari aurre egiteko neurriak bete ditzatela
Elikadura, Landa Garapen, Nekazaritza eta Arrantza Sailak premiazko bilera deituko du datozen egunotan, sektoreko eta erakundeetako ordezkariekin, egoeraren jarraipena egiteko.
Europako ikerketa baten arabera, eleaniztasunak gazte izaten laguntzen du
Ikerketak ondorioztatu duenez, hizkuntza bat baino gehiago hitz egiten duten pertsonak gainerakoak baino georago zahartzen dira.
Behobiako partaide bat salbatu zuen mediku korrikalaria: "Luze egin zen, 10 minutu egon ginen bihotz-biriketako bizkortzea egiten"
Rafa Pajaresek, Segoviako Ospitaleko ZIUko medikuak, ez du ahaztuko joan den igandean Behobia-Donostia lasterketan bizi izandakoa. Lasterketako 10. kilometroan oihuak eta "parada" hitza entzun zituen. Berehala laguntza ematera hurbildu zen. Bertan zeuden beste osasun-langilerekin batera, bihotz-biriketako geldialdian zegoen korrikalaria suspertzea lortu zuten.
Alboka eta txalaparta doinuekin hartu dituzte Palestinako selekzioko jokalariak
Futbolari palestinarrak astearte eguerdan iritsi dira Bilboko Aireportura, euskal futbol selekzioarekin larunbatean San Mamesen duten hitzordurako. Bilbon dauden bitartean, EHUren ikasle-egoitza batean hartuko dute ostatu.
Nortasun agiria lapurtu zioten eta iruzurra egin duelakoan ikertu dute: bizkaitar neska gazte baten kalbarioa
22 urteko Iratik salatu du 2023an nortasun agiria lapurtu ziotela, eta Internet bidez iruzurrak egiteko erabili izan dutela haren dokumentazioa. Hiru auzi judizialetan ikertu gisa deklaratzera deitu dute, eta akats baten ondorioz atxilotu dute.
Gertakariak oroitu eta familiak omentzeko ekitaldi handi batekin gogoratuko dute aurten Martxoaren 3a Gasteizen
Udalak eta Martxoak 3 elkarteak jarduera programa bat antolatu dute, elkarlanean; tartean, zinema ziklo bat eta literatur lehiaketa. Otsailaren 28an Europa Jauregian egingo da oroimen ekitaldi handia, nahi duen orori irekia.
-5?fmt=webp-alpha&qlt=80)
Nerabeen % 10ak ziber-jazarpena jasan du eta hirutik batek indarkeria digitala bikote harremanetan
Haurtzaroa, nerabezaroa eta ongizate digitala neurtzen dituen UNICEFen txosten berriaren arabera, azken lau urteetan jaitsi egin dira “sexting” kasuak zein mugikorraren erabilera ikasgelan, baina antsietatea eta indarkeria digitala areagotzen ari dira.