Lau umetik bat pobrezia edo gizarte-bazterketa jasateko arriskuan dago Europar Batasunean
UNICEFen txosten berri batek agerian utzi du Europar Batasuneko herrialdeetan bizi diren haurrek aurre egin behar dieten arazoen prebalentzia, hala nola pobreziaren gorakada, osasun mentalaren narriadura, Interneten bidezko sexu-abusuak eta kutsaduraren esposizioa.
Astelehen honetan argitaratu den 2024ko Europar Batasuneko Haurren Egoera txostenak nabarmentzen duenez, EBko herrialdeetan lau haurretatik bat (20 milioi haur) pobrezia edo gizarte-bazterketa jasateko arriskuan dago. Horrek esan nahi du 1,6 milioi haur gehiago daudela egoera horretan 2019ko datuekin alderatuz. Horietatik, bi milioi baino gehiago (haur eta nerabeen % 28) Espainian bizi dira, haurren pobrezia-tasa handiena duen EBko herrialdean.
Txostenaren arabera, EB osoko 11 milioi haur eta gaztek baino gehiagok dute osasun mentalarekin lotutako egoeraren bat. Nerabeak dira osasun mentaleko arazoak izateko joera handiena dutenak, hala nola antsietatea eta depresioa, 15-19 urteko gazteen bosten bati eragiten diotenak. Nahiz eta EBko osasun mentalari buruzko datu eskasia handia egon, txostenak dio herrialde askotan Europako gazteen osasun mentaleko arazoek gora egin dutela covidaren pandemian eta geroztik. Bizi-gogobetetzeari dagokionez, Espainian % 76k adierazi du pozik dagoela bere bizitzarekin, eta, beraz, ongizate- eta gogobetetasun-maila altuenak dituena EBko bederatzigarren herrialdea da.
Bestalde, 20 haurretik ia batek pestizidek eragindako kutsadura jasateko arrisku handia du, osasunarentzat kaltegarriak diren ondorioekin, eta garapenean izandako atzerapenekin erlazionatu da. Gainera, txostenak erakusten duenez, 2019an (datuak dauden azken urtea) 472 haur eta gazte hil ziren EBn kutsadura atmosferikoaren ondorioz. Espainia airearen kutsadura-maila baxuenak dituen zazpigarren herrialdea da.
Haur eta gazteentzako aukera asko sortzen dituzten aldi berean, teknologia digitalaren aurrerapen azkarrek abusuak ere eragiten dizkiete, hala nola gorroto-mezuak, ziberjazarpena eta sexu-esplotazioa. Txostenak nabarmentzen du 12 urte baino ez dituzten zortzi haurretatik batek sexu-eskaerak jasotzen dituela online.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.