Albiste izango dira: Alerta laranja euriagatik, Reala Kopako finalari so eta Koldo auzia
Honako gai hauek hartuko dituzte gaur, 2024ko otsailak 27, hedabideetako lerroburu nagusiak:
-Alerta laranja euriagatik: Prezipitazio handiak direla eta, alerta laranja aktibatu zuen astelehenean Eusko Jaurlaritzak, astearteko 12:00ak arte, eta 21:00ak pasatxo zirenean, Uholde Arriskuagatiko Larrialdi Plan Berezia ezartzea erabaki zuen, alerta fasean, ibaien egoera eta datozen orduetarako espero den prezipitazio aurreikuspenak kontuan hartuta.
-Reala Kopako finalari so: Finala eskura dute Realak eta Mallorcak. Bi taldeek finalerdietako itzuliko partida jokatuko dute asteartean Reale Arenan, eta irabazleak Sevillako finalerako lehen txartela eskuratuko du. Bigarrena, Athleticek eta Atletico Madrilek ostegunean San Mamesen jokatuko duten neurketatik aterako da.
-Koldo auzia: Koldo Garcia aholkulari ohiaren ikerketa tarteko, PSOEk 24 ordu eman zizkion Jose Luis Abalos ministro ohiari Kongresuan bere eserlekua utz zezan, eta gaur, 10:00etan bukatuko zaio horretarako epea. Agindua bete ezean, Talde Mistora kanporatuko dute. Atzo goizean bildu zen PSOEren zuzendaritza, eta bozeramaile Esther Peñak iragarri zuen, prentsaurrekoan, Abalosek egun bateko tartea zeukala diputatu akta entregatzeko.
Albiste gehiago gizartea
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.
DBHko eta LHko irakasleentzako LEP handia egiten ari dira BECen
Urduritasuna eta ilusioa nagusi izan dira larunbat honetan, azterketak hastean. Guztira, 1.268 lanpostu eskainiko dira Bigarren Hezkuntzako eta Lanbide Heziketako irakasleen artean, eta bitarteko langileen tasa % 4ra murriztuko da.
Osakidetzak irailaren 24ko Mahai Sektorialean proposatuko du lehen mailako arretan psikologoak jartzea
Alberto Martinez Osasun sailburuak iragarri du Saila aztertzen ari dela beste LEP berezi bat deitzea betetzen zailak diren lanpostuetarako.
Auto baten gidaria hil da Gasteizen, kamioi baten aurka talka eginda
Ezbeharra bart gauean gertatu da, Lopidako zerbitzugunean, autoak aparkatuta zegoen kamioi bat jo zuenean.
Gizonezko bat hil da Donostiako etxebizitza batean piztutako sutean
Beste bi pertsona ospitalera eraman behar izan dituzte kea arnasteagatik. Sua goizeko seiak aldera itzali dute.
Getxoko Areetako hondartzan aurkitutako lehergailua segurtasunez kendu dute Armadako urpekariek
Pertsona batek "objektu herdoildu bat" aurkitu du itsasertzean, 10:30ean, eta abisua eman du.