Santi Cocaren heriotzagatik akusatutako gizona espetxera bidali dute, Frantziak Espainiaren esku utzi ostean
Frantziako agintariek Espainiaren esku utzi dute Santi Cocaren hilketagatik akusatutako gizona, eta espetxera bidali dute. Ihes eginda zegoen, eta otsailean atxilotu zuten Frantzian. 24 urteko gizonezkoa Madrilgo Soto del Real espetxean sartu dute.
Atxilotua 2019ko apirilean Santi Coca hiltzeagatik auzitara eramandako sei lagunetako bat da. Coca Donostiako diskoteka baten atarian eman zioten jipoiaren ondorioz hil zen. 17 urte zituen.
Auzian herri-akusazio gisa aurkeztu zen Donostiako Udalak atxilotu horri leporatu zion jipoian Santi Cocari "buruan azken ostikada bortitza" eman izana.
Akusatua ihes eginda zegoela eta, atzeratu egin zen auziaren bista, eta 2023ko azaroa eta abendua bitartean egin zen, azkenean, orain atxilotutako akusatu hau falta zela.
Ahozko saioan, bere aurkako karguak atzera bota zizkioten akusatuetako bati, eta haren bi senide eta mendeko bat absolbitu egin zituen epaimahaiak.
Laugarren epaitu bati, hiru urte eta erdiko espetxe-zigorra ezarri zioten, zurhurtziagabekeriazko hilketagatik, intoxikazio etilikoaren aringarriarekin. EAEko Justizia Auzitegi Nagusian errekurtsoa jarri du, zigorra murrizteko eskatuz.
Ihes eginda zegoen gaztea behin aurkituta, beste epaiketa bat egin beharko da orain. Epaiketa hau ere Gipuzkoako Auzitegian egingo da, epaimahai berri batekin.
Gipuzkoako Auzitegiak iazko otsailean eman zuen gizon hau atxilotzeko agindua, epaiketa egiteko zain zegoen bitartean justiziaren aurrean aldizka aurkezteko betebeharra betetzeari utzi ziola egiaztatu ondoren.
Otsailaren 27ko eguerdian atxilotu zuten Frantzian, Draguignan herrian, Cannestik gertu, Frantziako Proventza-Alpeak-Kosta Urdina eskualdeko Var departamenduan.
Euroagindu bati esker atxilotu zuten akusatua, eta Frantziako agintariek Europar Batasuneko estatu kideen arteko koordinaziorako eta komunikaziorako erakundearen bulegoaren bidez (SIRENE) eman zien atxiloketaren berri Espainiakoei.
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.