Luis Rubiales aske utzi dute, baina auzia ikertzen ari den epaileak noiz deituko zain dago orain
Luis Rubiales Espainiako Futbol Federazioko presidente ohia atxilotu dute gaur Barajaseko aireportuan, Dominikar Errepublikatik Espainiara itzuli ostean. Hala ere, handik gutxira aske utzi dute berriro, baina auzia ikertzen ari den epaileak noiz deituko zain dago.
Ikusmin handia zegoen Rubialesen itzulerarekin, nahiz eta bi egun lehenago Guardia Zibilaren Unitate Zentral Operatiboko (UCO) agenteek, Dominikar Errepublikako segurtasun-indarrekin lankidetzan, Punta Canan beren bulegoak miatu eta dokumentu eta gailu elektronikoak atzeman.
Guardia Zibilaren ustez, Federazioak Gruconsa enpresa eraikitzailea kontratatu zuen Rubiales presidentea zenean, trukean haren laguna den Francisco Javier Martinen sozietate bati "ordainketak" egiteko.
Horrela, Rubialesek eta Martinek "mozkin ez justifikatuak" lortzen jarraitu nahi zuten egun, Gruconsak lortutako proiektuekin.
Enpresa horri Sevillako La Cartuja estadioa zaharberritzeko lanak esleitu zizkioten, 2020ko Eurokopako partidak eta aurtengo Errege Kopako finala hartzeko. Kontratu horiek ikertzen ari dira orain Madrilgo epaitegi batean.
Bestalde, agenteek ondorioztatu dute Rubiales lagunaren "sozietate-sarea" erabiltzen ari dela egun, RFEFn dimisioa eman eta gero ere bai, Dominikar Errepublikan inbertsioak egin ahal izateko.
Rubialesek hainbat hilabete daramatza herrialde hartan bizitzan, eta Guardia Zibilak haren etxebizitza miatu zuen astelehenean.
Zure interesekoa izan daiteke
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.
Baskoniak eta bere zaleek botako dute Gasteizko jaietako txupinazoa
Aurten irabazitako Errege Kopako tituluagatik eta "Baskoniak eta bere zaletuek ordezkatzen duten guztiagatik" hiriak aitortza egingo dio.
8 urtez azpiko haurrek ezingo dute adingabeentzako zezenketetan parte hartu
Zezen-jaietan haurren parte-hartzea erregulatzeko EAJk eta PSEk bultzatutako lege proposamenak PPren aldeko botoa jaso du; EH Bildu abstenitu egin da, gutxieneko adinak 12 urtekoa izan beharko lukeela uste baitu. Araudia osoko bilkuran onartu beharko da, eta zenbait berritasun jasotzen ditu, hala nola abelburuen gutxieneko adina, eta gurasoen baimenen beharra kentzea.
EAEko udalekuen gaineko kontrola indartuko duen dekretua ekainean onartuko du Eusko Jaurlaritzak
Aisialdi hezitzaile eta denbora libreko jardueren dekretu berriaren arabera, udalekuak antolatzen dituzten erakundeek haurrak eta nerabeak babesteko prestakuntza duen ordezkari bat izendatu beharko dute, besteak beste.
Zuzenean San Mamesetik: EHUko graduazio ekitaldia
Bi kamioik talka jo dute Kanpazarren, eta N-636 errepidea itxi dute; ez da zauriturik
Trafikoa etenda dago Elorrioko puntu horretan, eta ibilgailuak bidetik kendu bitartean, beste errepide batzuetara bideratzen ari dira ibilgailuak.