Internetez saltzen ziren gama altuko marka faltsutuen 22.000 artikulu atzeman dituzte Hernanin eta Bidarten
Gama altuko marketako 22.000 artikulu faltsu atzeman ditu Espainiako Zerga Agentziak Hernaniko hiru industria-pabiloitan eta Bidarteko beste batean. Erakunde gisa funtzionatzen zuten arduradunek, eta Europa osora saltzen zituzten produktu horiek, Internetez, zuzeneko salmenta plataformen bitartez.
Hiru lagun atxilotu dituzte 'Trinchete' izeneko operazio honetan, egoitza soziala aipatu biltegietan zuen enpresa bat osatu, eta horietara iristen baitziren Txinan ekoitzitako produktu faltsuak mezularitza enpresa baten bitartez, Ogasun Ministerioak ohar baten bidez jakitera eman duenez.
Ikertzaileek bidalketa horietako batzuk detektatu zituzten, eta, horien bidez iritsi ziren Hernanin alokatutako hiru industria-pabiloi horietara. Nabe horietan egunero jasotzen ziren produktuak mezularitza-enpresen bidez.
Erakunde horretako arduradunei egindako ikerketari esker, Bidarten (Lapurdi) laugarren pabiloi bat zegoela jakin zuten.
Frantziako aduanarekin lankidetzan, Frantziako Ogasuneko funtzionarioak Bidarteko biltegira joan ziren, eta produktu faltsuak aurkitu zituzten bertan.
Lau nabeetan 22.000 artikulu faltsu baino gehiago aurkitu dituzte; oinetakoak, poltsak, jantziak, bitxiak eta osagarriak, gehienbat.
Gama eta luxu handiko ehun marka baino gehiagokoak ziruditen produktuek, eta, gainera, kutxak, benetakotasun-ziurtagiriak, fakturak, eta baita Parisko eta beste hiri batzuetako denda ofizialetan ustez egindako erosketa-tiket faltsuak ere bazituzten.
Produktu horiek "xehetasun osoz diseinatutako" iragarkien bidez merkaturatzen ziren, Internetez, zuzeneko salmenta plataformen bitartez, bigarren eskuko edo artikulu ia berri gisa.
Horretarako, erakundeak ehunka profil faltsu sortu zituen saltzaile partikular gisa aurkezteko.
Behin produktu faltsua salduta, etiketatu egiten zuten, eta azken erosleari bidaltzen zioten, biltegitik Europako edozein tokitara. Horri esker, muga geografikorik gabe bana zitzaketen, eta are zailagoa suertatzen zen agintarientzat bidalketen jarraipena egitea.
Atzemandako biltegietan, ordenagailuak eta inprimagailuak zituen bulego bat zuten, "Txinatik erosketak zuzenean egiteko eta etiketak eta salmenta kudeatzeko".
Atxilotuak eta atzemandako produktuak Donostiako Instrukzioko 2 zenbakiko Epaitegiaren esku utzi dituzte.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.