Errei bat ireki dute GI-20 errepidean, Bilborako noranzkoan auto-ilarak sortzen ari den istripuaren ondorioz

GI-20 errepidean auto-ilarak amaitu dira, ostegun honetan hiru ibilgailuk istripua izan ostean, Ondarreta parean, Bilborako noranzkoan.

Eusko Jaurlaritzako Segurtasun Sailak jakinarazi duenez, istripua 08:00etan gertatu da, eta, horren ondorioz, lehenengo bi errei itxi dituzte eta, ondoren, bat. Ondorioz, auto-ilarak sortu dira. Gainera, autoen gidarietako bat ospitalera eraman behar izan dute.

Bestalde, 8:30 aldera, auto bat errepidetik atera eta irauli egin da N1 errepidean, Andoainen, eta errei bat itxi behar izan dute Gasteizerako noranzkoan. Auto-ilarak ere sortu dira, baina dagoeneko konponduta daude. Istripua izan duen ibilgailuaren gidaria Asuncion klinikara eraman dute.