Epailearen aurrera eramateko zain, atxilo dute Donibane Lohitzunen hilda agertu den emakumearen bikotekidea
Polizia ikertzen ari da atzo Donibane Lohizuneko (Lapurdi) hotel batean indarkeria zantzuekin hilda agertu zen emakumearen kasua. Bitartean, Baionako komisaldegian dute atxilotuta ustezko hiltzailea (bere bikotekidea), epailearen aurrera noiz eramango zain. Atxiloaldia, baina, bihar arratsaldera arte luza diezaiokete, gehienez.
Bihar, 11:00etan, kasu horren inguruko xehetasunak emango ditu prentsaurrekoan auzia bere gain hartu duen Jerome Bourrier fiskalak.
Duela bi aste Ziburuko hotel batean balkoitik "erori" eta larri zauritu zen emakumea da hilik aurkitu zutena.
Donibane Lohizuneko erdiguneko Paris hoteleko gela batean aurkitu zuten hilotz 34 urteko emakumea.
Bere bikotekidea atxilotu egin zuten, hilketa leporatuta. Baionako Fiskaltza "bikotekideak aurrez pentsatuta egindako hilketa" gisa ikertzen ari da kasua.
Apirilaren 14ko gertakarietan ere atxilotu zuten gizonezkoa, 35 urtekoa, eraso matxista leporatuta, baina aske utzi zuten, hipotesiari eusteko froga faltagatik eta, emakumea ri ospitalean egindako galdeketatik ez baitzuten ondorio argirik atera; izan ere, gertatutakoaz oroitzapenik ez zuela azaldu zion Poliziari.
Hasiera batean pentsatu zen bikotekidearengandik ihes egin nahian-edo, emakumeak IBIS hoteleko bosgarren solairutik salto egin zuela. Gero, bere buruaz beste egin nahi izan zuen hipotesiak hartu zuen indarra. Baionako prokuradorearen arabera emakumearen aurrekari psikiatrikoetan oinarrituta hartu zen erabakia.
Orduan, Polizia-iturri batzuk aipatuta, Sud Ouest egunkariak zabaldu zuen gizona jada "begitan" zutela, indarkeria matxistagatik.
Emakumea desagerturik zegoen maiatzaren 1etik.
Zure interesekoa izan daiteke
Norovirusak kutsatutako 21 lagun daramatzan Ambition gurutzaontziak Galizia utzi eta Gijonerako bidea hartu du
Norobirus batek eragindako gastroenteritis-agerraldi izan duen Ambition itsasontzian zihoazen 1.600 bidaiarik barkutik ateratzeko baimena izan dute eta Galizian, A Coruñan, eman dute eguna. 21 pertsonak isolatuta jarraitzen dute, osasun protokoloak betez. 20:00etan Galizia utzi eta Gijonerako bidea hartu dute. Astelehenean, Bilboko Portuan egingo du eskala ontziak.
Palestinarrek euren herrialdean bizitzeko duten eskubidea defendatu du manifestazio batek Iruñean, 'Nakba' ren 78. urteurrenean
Yala Nafarroa plataformak deitu, ehunka lagun bildu dira Israelekin "harremanak etetea" eskatzeko berriro ere. Izan ere, antolatzaileek uste dute hori dela Gazako Zerrendan gertatzen ari den genozidioa gelditzeko neurri bakarra.
12 adingabe eraman dituzte Loiuko aireportutik ospitalera, gastroenteritis zantzuekin
Ikas bidaiaren ondoren Lanzarotera zihoan hegaldi batean sartzeko zain zeudela, okadak eta zorabio-sentsazioa izaten hasi dira. 11 eta 12 urte bitarteko haurrak ospitalean aztertu, eta alta eman diete guztiei.
14 eta 17 urteko bi adingabe atxilotu dituzte Irunen taxi gidari bati eraso egiteagatik
Adin txikikoak izan arren aurrekariak zituzten biek. Fiskaltzak horietako bat aske uztea eta gazteena zentro batean sartzea ebatzi du.
Iruñeko jesuita bat ikertzen ari dira, gazte bati ustez sexu-abusuak egiteagatik
Atzo atxilotu zuen Foruzaingoak eta larunbat honetan eraman dute epailearen aurrera. Epaileak behin-behinean aske uztea erabaki du. Delituaren izaera eta biktima gehiago ote dauden ikertzen ari dira.
Gizon bat hil da Urgull menditik Pasealeku Berrira erorita
Ertzaintzak 11:00ak aldera jaso du abisua. Ordu horretan aurkitu dute biktimaren gorpua, baina larrialdi zerbitzuetako langileek ezin izan dute haren bizitza salbatu. Ertzaintzak ikerketa abiatu du, istripua nola gertatu den jakiteko.
60 eragile sozial eta politikok gerraren aurkako manifestua sinatu dute Gernikan
Euskal Herri osoko ia 60 eragilek sinatu dute gaur eguerdian, Gernikan, “Gernikaren herritik, bakea eta justizia” manifestua, non gerraren aurkako eta bakearen, justiziaren eta herrien subiranotasunaren aldeko konpromisoa berretsi duten.
Carlos Gimeno Hezkuntza kontseilariaren kargugabetzea eskatu dute Iruñean hainbat manifestarik
Manifestazioa eguerdian egin dute, "Kalitatezko hezkuntza eta lan baldintzen alde. Gimeno Kanpora!", lelopean.
Urgentziaz hartu beharreko 10 neurri aurkeztu ditu UEMAk, udalerri euskaldunen atzerakada gelditzeko
Udalerri Euskaldunen Eguna ospatu du UEMAk Otxandion. 121 udalek osatzen dute gaur egun Udalerri Euskaldunen Mankomunitatea, eta guztien artean 355.500 biztanle ordezkatzen dituzte.
Baldintzapean aske utzi dute dute Igorreko errugbi taldeko presidentea
Ertzaintzak 132 salaketa jaso zituen igandera arte, Arratiko Zekorrak Rugby Taldeak Gabonetako loteria ez ordaintzeagatik. Zehazki, 3. sari bat egokitu zitzaion, eta orain klubak ez du nahikoa diru saria kobratu ez duten saridunei ordaintzeko.