Arartekoak datu historikoetarako sarbide eskubidea bermatzeko aholkatu dio Gipuzkoako Aldundiari
Arartekoak, EAEko Herriaren Defendatzaileak, "datu historikoetarako sarbidearen eskubidea izapidetzeko" eskatu dio Gipuzkoako Aldundiari, "artxibo eta erregistro publikoetarako eta ondare historiko eta dokumentalerako sarbide arauetan oinarrituta".
Arartekotik adierazi dutenez, herritar batek laguntza eta orientazioa eskatu zuen bere hildako aitaren jatorri biologikoari buruzko datuak lortzeko.
Herritar horren aita adoptatu egin zuten Zizurkilgo umezurztegian, 1922an. Hala, bere aitaren amaren datuei buruzko datuak eskatu nahi zituen emakume batek. Aita 2016an hil zitzaion, eta litekeena da amona ere hilda egotea, 100 urte baino gehiago igaro baitira adopziotik.
Alaba 2016an saiatu zen informazio hori lortzen, baina ukatu egin zioten, eta epaitegietara jo ostean, Administrazioari eman zioten arrazoia.
2023an berriro egin zuen datuak lortzeko eskaera, baina Gipuzkoako Gizarte Politiken Sailak erantzun zion, epaitegiek eman zuten ebazpenean oinarrituta, Aldundiak ezin zuela besterik egin.
Testuinguru horretan, Arartekoak dio informazio hori eskuratzeko eskubidea "artxibo eta erregistro publikoetarako eta ondare historiko eta dokumentalerako sarbide arauetan" oinarritzen dela, ondorioz, arau hori kontuan izan gabe eskubidea ukatzea, ez dela bidezkoa.
Arartekoak uste du informazio horrek "balio historikoa" duela jada, 100 urte baino gehiago igaro direlako, eta Gipuzkoako Kultura Sailean eta artxibo historikoan egon beharko liratekeela.
Zure interesekoa izan daiteke
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte; beste batzuk euskal mitologiatik datoz. Herri bakoitzak bereak ditu, bere historia eta nortasunarekin. Ezagunen eta kuttunenen errepasoa egingo dugu gaur.