Ibilgailuarekin Bilboko erdigunera sartzeko murrizketak ekainaren 15ean sartuko dira indarrean
Bilboko Emisio Baxuen Eremua arautuko duen ordenantza berria ekainaren 15ean sartuko da indarrean gehien kutsatzen duten ibilgailuentzat, hau da, "A" etiketa dutenentzat edo etiketarik ez dutenentzat, Bilboko Udaleko Mugikortasun zinegotziak gaur zehaztu duenez.
"B" katalogazioa duten autoentzako murrizketak urtebete barru sartuko dira indarrean.
Joan den abenduan, hiribilduan dabiltzan errekuntza-motorra duten ibilgailuentzako muga berria arautzen duen ordenantza onartu zuen Bilboko Udalak. Aurreikusitakoaren arabera, plan hori pixkanaka joango da ezartzen, 2029ko amaierara arte. Hala ere, arau orokor gisa, A etiketa duten edo etiketarik ez duten ibilgailuei aplikatuko zaie aurrena. Urtebete geroago, B gisa katalogatutako ibilgailuei eragingo die eta, gainera, hainbat luzamendu egongo dira, kasuistika desberdinei aurre egiteko.
Emisio baxuko eremuak Abandoko barrutia hartuko du, hau da, itsasadarrak mugatutako eremua, eta baita Sabino Arana, Trenbidearen etorbidea, Autonomia eta Bailen kaleak ere.
Mugikortasun zinegotziak azaldu duenez, Udalak kolektibo eta pertsona partikularren 186 alegazio jaso ditu ekarpenak jasotzeko irekitako epean. Kopuru horretatik, 55 "osorik edo zati batean" onartu dira.
Ekarpen horiek guztiak ordenantzaren testuan sartu ondoren, gonbidapenen kopurua handitu egingo da (hasierako testuan aurreikusitako 4 gonbitetatik, 6ra), egoiliarrentzat eta inguruko merkatarientzat, Bilboko emisio baxuen eremuan sartzeko.
Gainera, Udalak ostalaritzako profesionalentzako kategoria berri bat izango du, eta horiek ere gonbidapenak izango dituzte. 75 urtetik gorakoen kolektiboak ere aurreikusitakoak baino gonbidapen gehiago izango ditu.
Era berean, handitu egin dituzte ere garaje-partzela bakoitzeko baimenak (lau matrikula ezberdin izango dira orain partzelako), eta izapideei dagokienez, emisio baxuko eremutik zirkulatuko duten atzerriko ibilgailuentzat eta mugikortasun urriko pertsonentzat prozedura osoa arindu eta errazteko asmoa dago.
Araudia ostiraleko bilkura berezian onartuko dute, EAJ eta PSE-EEren botoei esker. EH Bilduk eta Podemosek iragarri dute abstenitu egingo direla.
Zure interesekoa izan daiteke
Joko areto baten kontra protesta egiteagatik auzipetutako lau gazteen kontrako epaiketa atzeratu dute, datarik gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.