Lazagurriako soroei eragiten dien legez kanpoko zabortegi bat dagoela salatu du Gurelurrek
Gurelur talde ekologistak salatu duenez, legez kanpoko hondakindegi bat dago Lazagurriako soroetan, eta "ingurumen eskumena duen administrazioak ez du ezer egiten".
Kolektiboak jakitera eman duenez, duela urtebetetik kontrolik gabeko isurketak egiten ari dira Lazagurriako leku jakin batean, besteak beste, obra-hondakinak, altzariak, koltxoiak, sofak, aulkiak, kristalak, botilak, material plastikoak, hareak, zementuak eta zaborrak botaz.
Hasiera batean, eremu hori herriko inausketa-hondakinak kudeatzeko erabiltzen zen, baina duela urtebetetik "legez kanpoko zabortegi gisa soilik erabiltzen da", salatu dute prentsa-ohar batean. Gaineratu dutenez, salaketa jarri zuten ingurumen-agintarien aurrean, "baina ez du orain arte ezertarako balio izan".
Gauzak horrela, Gurelurrek uste du Nafarroan kutsatzaileek "nahi dutena" egiten dutela eta Administrazioak berak ere hondakin arriskutsuak isurtzen dituela, "Nafarroako Gobernuak Tuterako araztegitik datozen lohi kutsatzaileekin egin nahi duen bezala". "Azken hori egiten bada, zalantzarik gabe, Nafarroan egindako ingurumen kalte handienetako bat izango da", ohartarazi dute prentsa agiri batean.
"Gure erkidegoko hondakinen kudeaketa negargarriaren beste erakusgarri bat da Olatzagutiako garbigune bati eta erreka bati eragiten dieten isurketak ere" diote oharrean, eta Ziordiako hainbat pabiloitan pilatutako hondakinak ere kendu gabe daudela oraindik gogorarazten dute.
Horregatik guztiagatik, talde ekologistak iragarri du salaketa bana jarriko duela Montejurrako Mankomunitatean eta Nafarroako Gobernuko Ingurumen Departamentuan, "behingoz araudiak jasotzen duenaren arabera jardun dezaten, salatutako hondakinak birziklatzeko planta batera eramanez eta Lazagurriko zabortegiak inguruan egindako kalteak konponduz".
Albiste gehiago gizartea
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.
"Bakean eta indarkeriarik gabeko" Gasteizko jaiak aldarrikatu ditu Roberto Ugarte Euskadiko Orkestrako zuzendariak
2025eko Andre Maria Zuriaren jaietako pregoiaren protagonista musika izan da. Izan ere, piano doinuek pregoia girotu dute. "Gasteiz musika da", azpimarratu du Ugartek. Ondoren, Maider Etxebarria Gasteizko alkateak jaietako zapia jarri dio.