Ibilgailuarekin Donostia erdialdera sartzeko murrizketak urte amaieran sartuko dira indarrean
Donostiako Emisio Gutxiko Eremua arautuko duen ordenantza urte honen amaieran sartuko da indarrean, Olatz Yarza Mugikortasun eta Garraio Jasangarriko zinegotziak eta Juantxo Marrero Ekologiako zinegotziak gaur goizean azaldu dutenez.
Berrikuntza gisa, Udalak 10 kamera finko jarriko ditu emisio gutxiko eremura sartzen diren ibilgailuak kontrolatzeko. Halaber, baimenik gabe sartzeagatik 200 euroko isunak aurreikusten dira.
Emisio gutxiko eremua Boulevarretik Araba parkeraino hedatuko da, eta kaia eta Arbaizeneko ingurua ere hartuko ditu.
Hasierako fasean, hots, ordenantza indarrean sartu eta lehen 36 hilabeteetan, hauek dira inolako izapiderik gabe emisio gutxiko eremuan sartu ahalko diren ibilgailuak:
- bizikletak, mugikortasun pertsonaleko ibilgailuak
- 0 / ECO / C eta B bereizgarria duten ibilgailu motordunak eta ziklomotorrak eta DGTk historikotzat jotako ibilgailuak
- Emisio gutxiko eremuan erroldatuta dauden egoiliarren ibilgailuak
- MM bereizgarria duten mugikortasun urriko pertsonen ibilgailuak
- Jarduera ekonomikoei, taxiei eta BTKei lotutako TAO txartela duten ibilgailuak
Era berean, eskaera eginda, beti, sartu ahal izango dira: mugikortasun urriko Europako txartela duten pertsonak garraiatzeko ibilgailuak eta interes orokorreko zerbitzuak emateko ibilgailuak (posta, garraioa, polizia, osasuna...). Horrez gain, garajeak dituzten titularren ibilgailuek, eremu barruan dauden autoeskolen ibilgailuek eta ibilgailuak konpontzeko tailerretara doazenek ere izango dute sartzeko modua.
Erdigunera sartzeko eskaerak Donostiako Udalaren webgunearen bidez, edo aurrez aurre, Herritarren Arretarako ohiko kanalen bidez kudeatu ahal izango dira.
Behin hasierako fasea igaro eta gero, egonkortze fasea hasiko da.
10 kamera finko
10 kamera finkok kontrolatuko dituzte emisio gutxiko eremurako sarrera-irteerak. Ibilgailuen matrikulak irakurriko dituzte kamera horiek, sartu ote daitezkeen egiaztatzeko. Trafikoa zaintzeaz arduratzen diren agenteek ere izango dute ibilgailuen matrikulak identifikatzeko modua.
Kamera horiek leku hauetan jarriko dira: Zurriolako zubian, Santa Katalina zubian, Gernikako Arbola eta San Martin arteko bidegurutzean, Gernikako Arbola eta Valentin Olano arteko bidegurutzean, Arabako Parkea eta Easo arteko bidegurutzean, Autonomia kaleko biribilgunean, San Roke eta Belizalde arteko bidegurutzean, San Roke eta Beloka arteko bidegurutzean, Aldapeta eta La Fe arteko bidegurutzean, eta Mirakontxa pasealekuan (Almudena etxea).
Baimenik gabe emisio gutxiko eremuan sartzen diren ibilgailuek 200 euroko isuna jasoko dute, eta hortik gorakoa (% 30 gehiago) araua behin baino gehiagotan urratzen dutenek.
42 alegazio
Donostiako Udalak datorren astean onartuko du behin betiko, emisio gutxiko eremua ezarriko duen ordenantza.
Alegazioak aurkezteko epea amaituta, guztira 42 proposamen jaso ditu Udalak. Onartutako alegazioetako bat 70 urtetik gorako egoiliarren ibilgailuei emisio gutxiko eremuan sartzen uztearena da, ingurumen etiketarik ez izan izan arren.
Halaber, kaia eta Arbaizeneko sarbidea eta ingurua sartu egin dituzte, emisio gutxiko eremuan preso gera ez daitezen.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.