Ekaitzak zapuztuko du uda giroa arratsaldean
Uda beteko eguraldiak ez du segida izango asteburuan, EITBren meteorologia zerbitzuaren arabera. Izan ere, goietan aire hotza pilatuko da, eta horrek ekaitz giroa ekarriko du gurera. Tenperaturari dagokionez, 20 ºC-tik gora egongo dira termometroak bi egunetan, baina larunbatean igandean baino goxoagoa izango da aroa.
Larunbatean, giro argia izango dugu goizean, eta tenperatura atsegina eta epela izango da, hego ukituko haizeari esker. 23-24 ºC-ren bueltan egongo dira maximoak kostaldean, eta are gorago (26-28 ºC) barrualdean. Erriberan, sargori puntua ere izango da, 30 graduko langa igarota. Arratsaldean, ordea, haizeak iparraldera egingo du, eta hodeiak ugaritu egingo dira. Ekaitza lehertuko da denean, eta zaparrada mardulak botako ditu, baita txingorra ere, zenbait tokitan. Iragarpena kontuan hartuta, prezipitazio handiak espero direla eta, abisu horia ezarriko du Eusko Jaurlaritzako Segurtasun Sailak. 15:00etatik 21:00etara, 15 litro pila daitezke ordubetean metro koadroko. Ekaitz-guneetan, haizeak zakar joko du, eta 60-80 km/h-ko ufadak egon litezke.
Igandean, antzeko traza izango du aroak, baina egun lainotuagoa eta freskoagoa izango da. Ipar-mendebaldeko haizea larunbatean baino lehenago sartuko da, eta ostarteak baino, hodeiak ikusiko ditugu zeruan. Ez da baztertzen eguerditik aurrera zaparrada batzuk botatzea, bereziki barnealdean eta mendi inguruetan. Dena dela, ekaitz arriskua bezperan baino txikiagoa izango da. Tenperatura maximoek behera egingo dute, eta balio altuenak 19-22 ºC-koak izango dira.
Astelehen arratsaldean, fronte bat iritsiko da, eta euritara joko du denean. Ordura arte, haizeak hegoaldetik joko du, eta tenperaturak gora egingo du berriro; 23-26 ºC-ren bueltan geldituko dira maximoak. Hodeitza saretu egingo da, eta ostarte zabalak izango dira. Alabaina, arratsaldean, frontea iristearekin batera, haizea ipar-mendebaldera aldatuko da eta indartu egingo da, zerua estali, freskatu eta euria egingo du, batez ere ipar partean; momentu batzuetan, erruz egingo du euria.
Joeraren arabera, asteari eguraldi petralarekin ekingo diogu, euria eta tenperatura freskoa aurreikusten baitute modeloek.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.