150 sekta daude Euskadin, eta horietatik 50 elkarte gisa legez erregistratuta daude
Ertzaintzaren arabera, egun 150 sekta daude Euskal Autonomia Erkidegoan jardunean. Horietatik, 50 legez erregistratuta daude "elkarte laiko edo erakunde erlijioso edo espiritual gisa", Segurtasun sailak EITB Mediari adierazitakoaren arabera.
Iturri horien arabera, erakunde, elkarte edo talde erlijioso gisa erregistratzeko baldintza bakarra "identitate bat" aurkeztea da.
Sekta jarduerari buruzko lege-esparru zehatzik ez dagoela gogoratzen du Segurtasun sailak, eta horregatik, Ertzaintzak ordenamendu juridikoak jasotzen diren delituen aurrean jarduten du bakarriik, hala nola, lesioak, mehatxuak edo sexu-erasoak.
Horrez gain, sektetako jarraitzaileen gaineko balizko "espoliazio ekonomikoak ere" ikertzen ditu Ertzaintzak, "tartean estortsio-moduren bat dagoen argitzeko", baita sekta horien "administrazio atalak ere".
"Hau da, erregistratuta egoteko baldintzak betetzen dituen ikertzen dugu", adierazi dute Segurtasun sailetik.
Nola jokatzen du Ertzaintzak sekten aurrean?
Salaketarik jasotzekotan, Ertzaintzak prozedura zehatz bat du sekten aurrean: agenteek salaketa ikertuko lukete eta, aldi berean, biktimarekin harremanetan jarriko lirateke. Ertzaintzak "sekta suntsitzaileek" eragindako pertsonei aholkularitza eta orientazioa ematen dieten elkarteetara bideratu ohi ditu pertsona horiek.
"Erakunde horiek jarraibideak ezarriko lizkiekete kaltetuei, talde hertsatzaileen desprogramazio- eta urruntze-prozesuak gauzatzeko", adierazi dute Segurtasun Sailetik.
Izan ere, Ertzaintza RedUne elkartearekin, Abusu Ahularen Sektarismoa Prebenitzeko Sarearekin, elkarlanean ari da gaur egun, "sekta suntsitzaileen" biktimei laguntzeko.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia hurrengo orduetan kenduko dutela espero dute.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".