Haurrak ez txertatzea egotzita ikerketapean dagoen erizaina lanera ez itzultzea eskatu dute kasuko familiek
Seme-alabak covid-19aren aurka ez txertatzea egotzita, Osakidetzako erizain baten kontra auzitara jo zuten 50 bat familiek neurriak eskatu dizkiote Osakidetzari profesionala bere lanpostura itzul ez dadin. Izan ere, El Correo egunkariaren arabera, osasun langileak senda agiria jaso du —bajan omen zegoen auzia lehertu zenetik, 2022ko urritik— eta lanera bueltatuko da.
Ohar batean, "suminduta eta kezkatuta" azaldu dira erizaina lanera itzul daitekeelako, "osasun publikorako arriskua" da-eta, euren ustez. "Osakidetzari eskatzen diogu bere itzulera saihestea, are gehiago Bizkaiko Lurralde Auzitegiak defentsak aurkeztutako helegite guztiak baztertu dituenean", nabarmendu dute.
Auzia ikerketapean dago, epaileak zer erabaki zain. Duela urtebete deklaratu zuen osasun langileak, dokumentuak faltsutzea eta fondo publikoak bidegabe erabiltzea leporatuta.
Auzia 2022ko urrian eman zen ezagutzera. Orduan, hainbat gurasok Osakidetzari erizain honen ekintzen berri eman zioten. Haien ustez, jarrera susmagarria zeukan "txertoen aurkako komentarioak egiten" zituelako eta "txertoa ematean, azkarregi, modu prezipitatuan" aritzen zelako. Osakidetzak ikerketa abiatu zuen eta hainbat proba serologiko egin zizkien adin txikikoei, egiaztatu zutenez, gehienak ez zeuden behar bezala immunizatuta. Ondoren, espedientea zabaldu zion erizainari, baina ez zuen jakinarazi zein neurri hartu zituen horren harira.
Osasun Sailak jakinarazi du ez duela auziaren inguruko inongo argibiderik emango, langile baten datu pertsonalak direla argudiatuta.
Zure interesekoa izan daiteke
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.