Milaka lagun batu dira Ordizian Euskal Eskola Publikoa ahalduntzeko eta egindako lana aitortzeko
Jai giroan, baina aldarrikapen mezuak zabalduz, milaka lagun bildu dira gaur, igandearekin, Ordizian, Euskal Eskola Publikoaren 31. jaian.
Eskola publikoa ahalduntzeko eta urteetan egindako lana aitortzeko helburuak beteta, kalitatezko hezkuntza sistema publikoa, euskalduna eta inklusiboa eskatu dute, Publikoa aI do! lelopean. Leloa hitz-jokoa da, batetik ari du barik ai do esaten dutelako Ordizian, eta bestetik I do horrek Publikoa guk egiten dugula adierazten baitu.
Horren harira, Maria Albisu Urdaneta eskola publikoko gurasoen elkarteko lehendakariak esan duenez, Ordizia "Euskal Herriko beste herri, auzo eta eskola publikoren isla da", baina "muturrera eramandako egoera baten isla".
Horren hitzetan, "herrialde askotatik gurera etorritako familia eta pertsona ugari bizi dira gurean, egoera zaurgarrian dauden ikasle, familia eta pertsona asko, oraindik euskaraz ez dakiten herrikide ugari", eta "errealitate hau guztia modu egokian lantzeko, denok aberastu eta hazteko, politika egokiak, ausartak eta baliabideak" eskatu ditu. Ordizian bertan hezkuntza zentroen arteko "orekara bideratuko gaituzten politikak" eskatu dizkie agintariei, "gure herriko elkarbizitza, berdintasuna, justizia soziala, inklusioa eta euskalduntzea" dagoelako jokoan.
Jaia, lau gunetan banatuta
Herri barneko hainbat gunetan egin dira aurtengo jaiko jarduerak, eta EITBk bere txokoa izan du, Go!azen eta Makusi protagonista nagusi dituela.
Guztira, lau gune finko eta jarduera ibiltariak izan dira. Lehenengo guneak Plaza Nagusia, Garagartza plaza eta Goen plaza hartu ditu, bigarrena Barrena parkean izan da, hirugarrena frontoi eta arboleda inguruan, eta laugarrena Jose Migel Barandiaran plazan. Horrez gain, eta urtero bezala, hainbat kale jarduera izan dira.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.