Jandilla arriskutsuek adarkatu bat utzi dute entzierro azkar batean
Zezen arriskutsu eta suharrak izan ohi ditu Jandilla ganadutegiak, eta gaurkoan, sanferminetako seigarren entzierroan, ondo erakutsi dute. Izan ere, gizon bat adarkatu dute Santo Domingon, osasun partearen arabera.
Entzierro azkarra (2 minutu eta 20 segundo) eta bizia izan da. Animaliak oso sakabanatuta joan dira ibilbide osoan, eta horrek sortu du arrisku gehien, baita emozioa ere. Uger koloreko zezen bat jarri da denen buru, eta, joaldunekin batera, arin batean egin ditu Santo Domingo, Mercaderes eta Telefonicako zatiak. Atzean geratu dira lau zezen beltz, eta anaituta egin dute bidea. Animalia gorri bat geratu da atzerago.
Adarkada entzierroaren hasieran gertatu da, Santo Domingoko aldapan. Zezen beltzetako batek eskuineko aldean zeuden korrikalarien kontra egin du, eta horietako bati adarra sartu dio besapean.
Estafeta kalean izan dira lasterketa zirraragarrienak. Kalezuloan, bestalde, tentsio uneak bizi dira, hainbat eroriko izan eta korrikalariak lurrean geratu direlako. Dena dela, ez da aparteko ondoriorik izan.
Osasun arduradunek jakinarazitako balantzearen arabera, hiru pertsona eraman dituzte ospitalera: bata adarkatuta, kontusioekin beste biak. Santo Domingon, lehen zatian, sartu dio adarra zezenak 72 urteko korrikalari donostiarrari. Entzierroa korritzen urteak daramatzan korrikalariak besapean du zauria, eta garuneko traumatismoa, baina egonkor dago. Beste bi zauritutakoak Mercaderes eta Espoz y Mina kaletik eraman dituzte: lehenak besoan hartu du kolpea, bigarrenak aurpegian.
Zure interesekoa izan daiteke
76 urteko gizon bat atxilotu dute Hondarribiko Donejakue Bidean emakume erromesei sexu-abusuak egiteagatik
Joan den astean salaketa jaso ondoren, eta beharrezko ikerketak egin ondoren, Ertzaintzak jakin zuen ekainaz geroztik gutxienez beste zazpi emakumek jasan dituztela gisa horretako abusuak inguru berean, antzeko ezaugarri fisikoak zituen pertsona batek eginak. Kasu guztietan, biktimak emakume atzerritarrak ziren, Hondarribian bakarrik zebiltzanak.
Albiste izango dira: Sanferminetako bigarren entzierroa, beroa Araban eta Nafarroan eta Bilbao BBK Liverako gomendioak
Gaurkoan Orain-en albiste izango direnen laburpena, bi hitzetan.
Nagore Laffage gogoratu dute Irunen, hil zutela 18 urte bete direnean
Nagore Laffage hil zutela 18 urte bete dira gaur. Jose Diego Yllanesek hil zuen gazte irundarra 2008ko sanferminetan, Iruñean. Urtero bezala, gertatutakoa ez ahazteko, ekitaldia egin dute Laffageren jaioterrian, Irunen, hango Emakumeen Etxeak antolatuta. Emakumeek espazio guztietan aske ibiltzeko duten eskubidea aldarrikatu dute.
San Fermin egun handia gogotik ospatzen ari dira Iruñean
Sanferminetako egunik esanguratsuena bizi du Iruñeak: jaietako ekitaldirik jendetsuenak eta tradizionalenak biltzen ditu egitarauak. Lehenengo entzierroa, patroiaren omenezko prozesioa, su artifizialak eta kontzertuak dira San Fermin egun handiko hitzordu garrantzitsuenak.
Perez Iglesias: "Jaurlaritzak ez du zalantzan jartzen zuzentzaileen zintzotasuna eta profesionaltasuna"
Zientzia, Unibertsitate eta Berrikuntza sailburuak esan du USaP azterketen "sistema garantista" izateak ez duela esan nahi "zenbait hobekuntza" egin ezin direnik.
Lesakako Zubigaineko dantza San Fermin eguna ospatzeko
Lesakako dantzariak Onin zubiko petrila igo dira ohiko Zubigaineko dantza egiteko. Dozenaka ikusleren aurrean, San Fermin eguna ospatu dute herrian.
1.500 ikasle gehiagok jaso ahal izango dute unibertsitate-beka datorren ikasturtean, Jaurlaritzak baldintzak malgutu ondotik
Besteak beste, zailtasunak izan arren orain arte errenta-muga gainditzen zuten familietako ikasleek jaso ahal izango dute beka. Gainera, desplazamendu-laguntzak jasotzeko ez da derrigorrezkoa izango ikasketak Euskal Autonomia Erkidegoan egitea, eta baldintza akademikoak ere malgutuko dira; zenbait kasutan 5eko nota nahikoa izango da laguntza jasotzeko.
Etxebizitza da arazo nagusia Bizkaiko herritarrentzat, baita enplegua eta segurtasunik eza ere
Bizkaiko ekonomiaren egoera nahiko ona dela uste dute % 45ek, baina 2027an dezente okerragoa izango dela uste dute % 27k. Arlo politikoari dagokionez, EAJ da begikotasun handiena pizten duen alderdia (% 38), eta haren atzetik daude EH Bildu (% 36) eta PSE-EE (% 14).
Iruñeak bere egun handia ospatu du gaur San Ferminen omenezko prozesioarekin
Zuriz eta gorriz jantzitako milaka iruindarrek Iruñeko kaleak bete dituzte astearte honetan, uztailak 7, jaietako egun handian, San Fermin alde zaharretik igarotzean santuaren omenezko prozesio tradizionalean babesteko. Aurten, tenperatura altuek eragindako alerten ondorioz, prozesioaren ibilbidea aldatu egin da.
Gipuzkoako Foru Aldundiak enplegu publikoko 281 plaza deitu ditu 18 hautaketa-prozesu berritan
Azterketak 2027ko urtarrilaren 11tik aurrera egingo dira, eta salbuespen bakarra egongo da: kanpainetan laguntzeko erdi-mailako teknikari lanpostuetarako azterketan, hain zuzen ere. Azterketa hori abenduaren 1etik aurrera deitu ahal izango da.