Azpiegitura hidrauliko erromatar handi bat eta 3.000 metro karratuko eraikin bat aurkitu dituzte Arkaian
Aurkikuntza arkeologiko gehiago egin dituzte Arkaian, Araban hobekien kontserbatutako eremu termalean, Suestatium izeneko hirian, Arabako Foru Aldundiko iturriek EITBri jakinarazi diotenez. Zehazki, azpiegitura hidrauliko bat eta 3.000 metro koadroko eraikin bat topatu dira.
Konkretuki, zortzi metro zabal, 20 metro luze eta bi metro eta erdiko sakonera ditu putzuak. Hasiera batean, arkeologoek pentsatu zuten hiria urez hornitzeko zela, baina orain uste dute putzua San Tomas ibaiarekin lotzen zela, eta ibai hori bideratzeko eta ur-goraldietan aprobetxatzeko erabiltzen zela, termak hornitzeko ere aprobetxa zatekeelarik.
Termak dauden eremuaren parean zereal zelai handi bat dago. Iruña-Veleian erabili zen teknika berarekin, dronen bidez, lurzati horretan, lur azpian, 3.000 metro koadroko eraikin bat aurkitu dute. Etxadi, ikastetxe, etxe erromatar handi edo 'mansio' bat izan daiteke, galtzada erromatarraren geraleku ofizial bat.
Arkaia, Iruña-Veleiaren atzetik, Arabako bigarren erromatar hiririk garrantzitsuena da, eta, Iruña bezala, ustez okupatzen dituen 20 hektareetatik % 1 eta % 2 artean soilik induskatu da; zati txiki bat egungo herriaren azpian dago, baina, batez ere, ekialdean dauden nekazaritza-lursailen azpian.
Arkaian, K.a. I. mendetik K.o. III. mendera bitarteko herrixka bat aurkitu zuten, Suestatium. Barruan, terma erromatar batzuen hondakinak zeuden. Lorenzo Prestamerok aurkitu zuen bainu-etxe erromatarra XVIII. mendean.
1976an, Ramon Lozas arkeologoak bainuetxearen hondakinak induskatu zituen. 2015eko udan, herriaren saneamendu-lanetan, aztarna erromatar gehiago aurkitu zituzten elizatik gertu.
Arkaiako termak erreferentzia dira Arabako aztarnategi erromatarretan; herriaren ondoan daude, Otazurako irteeran, eta K.a. I. eta II. mendekoak dira.
Terma erromatarrak gaur egungo gizarte-etxe baten parekoak izan zitezkeen, eta Suestatium izeneko herri garrantzitsuan zeuden, Via XXXIV galtzadaren ondoan, Astorga eta Bordele lotzen zituen ibilbidea.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.