Gazatik etorritako adingabeak artatzen hasi dira EAEko ospitaleetan
Osakidetza Gazako Zerrendatik etorritako 2 eta 14 urte bitarteko bederatzi adingabe palestinar eta horietako baten ama artatzen hasi da, ekimen humanitario baten barruan.
Osasun-arazo larriak dituzten adingabeak eta horien senideak ostegunean iritsi ziren Euskal Autonomia Erkidegora, eta gaur hasi dira Euskal Osasun Zerbitzuan artatzen.
Adingabeetako bost Gurutzetako Ospitalean ari dira artatzen, eta beste lau eta horietako baten ama Donostiakoan. Lehen balorazioen arabera, egoera kliniko egonkorrean daude eta ez dute ospitaleratu beharrik izan, baina Osakidetzak ez du baztertzen etorkizunean egin behar izatea tratamendua osatzeko.
Adingabeek askotariko patologiak dituzte, baina Israelek Gazako Zerrendaren aurka egindako eraso masiboaren ondorio dira guztiak. Osasun Sailak ohar baten bidez azaldu duenez, "besteak beste, lesio traumatologikoak, erredurak, arazo neurologikoak, oftalmologikoak edo bihotzekoak dituzte". Artatutako amak osasun-laguntza neurologikoa behar du.
"Gure asmoa da ospitalez kanpoko azterketak, probak eta tratamenduak erraztea eta egitea, eta, ahal den neurrian, ospitaleratzea saihestea, egokitu ahal izan daitezen eta ahalik eta gehien egon daitezen familiarekin ingurune egoki batean", azaldu du Cristina Calvo Donostia Unibertsitate Ospitaleko Pediatria Unitateko buruak.
Biktimak bonbardaketen eta suteen ondorioz tratatutako zauriekin etorri dira, baina hasierako traumatismoaren ondorio garrantzitsuak dituzte.
"Adingabeen hasierako balorazioa egin dugu, eta proba osagarriak eskatu ditugu azterketa osatzeko. Kasu batzuetan, beren jatorrizko ospitaleko proba batzuk dituzte, baina osatu egin nahi ditugu, emango diegun tratamendua optimizatzeko eta, batez ere, beraientzako tratamendu egokia definitzeko espezialistekin, ortopedekin, neurokirurgiarekin eta kirurgia plastikoarekin eta oftalmologiarekin", azaldu du Miguel Vazquez Gurutzetako Unibertsitate Ospitaleko Ospitalizazio Pediatrikoko buruak.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.