Txorierriko alkateek kexa jarri dute Defentsa Ministerioan aireportutik gertu hegaldi militarrak egiteagatik
Txorierriko alkateek kexa bat bidali diote Defentsa Ministerioari, hegazkin militarrek Bilboko aireportutik gertu egiten dituzten maniobrak tarteko. Loiun elkartu dira pasa den ekainaren 10 eta uztailaren 24an bi hegazkin militarrek eragindako soinuengatik.
100 dezibeliotik gorakoak izan ziren soinu horiek, hauen hitzetan, eta gaur Loiu, Sondika, Lezama, Derio, Erandio eta Zamudiok Defentsa Ministerioan kexa jarri dutela iragarri dute aurrerantzean, maniobra militarrak errepikatzekotan, jakinaren gainean egon daitezen.
Txorierriko udalek euren haserrea erakutsi dute gaur eman duten prentsaurreko bateratuan, diotenez aireportu zibil baten gainean ariketa militarrak egitea ez delako erabat aproposa. Gehien bat, hegazkin militarrak lurretik gertu pasatzen direlako, soinu handia eraginez, eta hori bizilagunentzat kaltegarria dela salatu dute.
Koordinazio estuagoa eskatu diote Espainiako Defentsa Ministerioari, egun Aire Armadak tokiko agintariei aldez aurretik ez omen dielako abisatzen egingo dituzten maniobra militarren inguruan.
Azken bi hilabeteetan bitan pasa dira hegazkin militarrak Txorierritik, lurretik gertu, eta dagoeneko euren maniobrak ohitura bihurtzen ari direla ohartarazi dute.
Albiste gehiago gizartea
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte langile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?
Mildiu onddoak gogor kolpatu ditu Arabako Errioxako mahastiak, eta hurrengo mahats-bilketa mehatxatzen du
Aurtengo hezetasun handiak, lainoek eta landaretza zabaltzeak mildiua agertzea bultzatu dute. Are, faktore horiek guztiek onddoa suspertu eta zabalarazi dute, eta ia eskualde osoan hedatu da, bigarren fasean hedatu ere.
Delitu eta larrialdi gutxiago izan dira sanferminen lehen erdian
Sexu-erasoen kopurua % 62 jaitsi da; salaketak, berriz, % 26. Lapurretak izan dira, batik bat.
Zartako eta Radiocrimen taldeek euren baxu-jotzailea kanporatu dute, indarkeria matxistagatik
Instagram sare sozialeko Denuncias Euskal Herria kontuan hainbat erabiltzailek salatu dute musikariak bikotekideei tratu txar fisikoak zein psikologikoak ematen zizkiela.
Hilik aurkitu dute asteartean Gorbeian galdutako mendizalea
Bilaketa lanak uste baino gehiago luzatu dira, ez baitzen baimenik eman desagertuaren telefono mugikorra geolokalizatzeko.
San Fermin jaien erdira iritsita, orain artekoa modu positiboan baloratu du Iruñeko alkateak
Joseba Asiron Iruñeko alkatearen arabera, momentuz "bide onetik" doaz festak eta asteburuari begira ere horrela jarraitzea espero du. Euskadi Irratian egin dioten elkarrizketan azaldu duenez, gaur-gaurkoz ez da sexu eraso larririk gertatu, baina bai, ordea, ekidin beharko liratekeen ukituak.