Kanoikadak abiatuko du arratsaldean Donostiako Aste Nagusia
Ohiko kanoikadarekin hasiko da beste behin Donostiako Aste Nagusia. Aurten Bera Bera Eskubaloi Taldeko neskak arduratuko dira jaiari hasiera emateaz. Ekitaldia Alderdi Ederren izango da, udaletxeko terrazan, eta ETB2k eta eitb.eus atariak zuzenean eskainiko dute ekitaldia, 18:05etik aurrera.
Adin eta gustu guztiak asetzeko 376 ekitaldi egongo dira Aste Nagusian. Kultur ekintzak eta kirol jarduerak hiriko 30 plaza eta txokotan ikusi ahalko dira.
Su Artifizialen 59. Lehiaketa eta Saguesko kontzertuak nabarmendu behar dira horien artean. Bertan arituko dira Amparanoia, La La Love You, Nil Molines, Nogen, Esne Beltza eta Los Zigarros.
Kursaaleko terrazan gazteentzako ekitaldiak izango dira. Tokiko artisten eskutik, animazio mota berriez gozatzeko aukera izango da, DJak, musika urbanoa, reggaea, pop-rocka eta erromeriak egongo baitira bertan.
Piraten abordatzea
Astelehenean, jaietako ekitaldirik jendetsuena izango da Donostiako badian. Donostiako Piratek antolatuta, abordatzea egingo dute. Ehunka lagunek eurek eraikitako ontziekin egingo dute portuaren eta Kontxako hondartzaren arteko bidea.
Horrez gain, Donostiako Piratek egitarau zabala antolatu dute, eta portuan dagoen Flamenka gunean ez ezik, hiriko beste txoko batzuetara ere zabalduko dute jaia.
EITBk Donostiako Aste Nagusiaren jarraipen berezia egingo du, eta gauero su artifizialak eskainiko ditu zuzenean.
Zure interesekoa izan daiteke
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.
Ertzaintzak baztertu egin du Oiz mendian sute bat piztu izana, keagatik hainbat abisu jaso arren
Oiz mendian baso-suteengatik alerta aktibatu dute, Muxikan (Bizkaia), tenperatura altuen testuinguruan. Helikoptero inguruan ibili da sua zegoen ala ez aztertzeko, baina azkenean baztertu egin dute aukera hori.