Gizon batek 11 urteko mutiko bat hil du labankadaz Toledon, Mocejongo futbol-zelaian
11 urteko mutiko bat hil da igande honetan Toledoko Mocejon herriko futbol-zelaian, objektu zorrotz batekin labankatua izan ostean.
Erasoa 10:00ak aldera gertatu da. Ordu horretan, kaputxa batez burua estalita zuen gizon bat Angel Tardio futbol-zelaira sartu da, adingabeari eraso dio, eta, ondoren, ihes egin du auto gris batean.
Abisua jaso ondoren, larrialdietako medikua, osasun-helikoptero bat eta zainketa intentsiboetarako unitate mugikor bat bertaratu dira, baina haurra bertan hil da.
Guardia Zibilak operazioa jarri du martxan erasotzailea aurkitzeko. Gutxienez hamar patruila eta helikoptero bat ari dira erasotzailearen bila.
Toledoko 3. epaitegiko buruak sekretupean jarri du auzia, Gobernuaren Ordezkaritzak baieztatu duenez.
Mocejonen hildako adingabearen familiak "justizia" espero du
Hildako haurraren familiak esan du ez duela susmorik "ankerkeria" horren egilearen inguruan, eta "justizia egitea" espero duela gaineratu du.
Hildakoaren lehengusu batek komunikabideei adierazi dienez, bere izeba bat paseoan zebilela "ume bat korrika atera da lagunik onena hil dutela esanez", "eta gure lehengusua zen" eta "Hemen zegoen lagunekin futbolean jokatzen" esan du.
"Oso une zailak dira", gaineratu du, eta familiarekiko errespetua izateko eskatu die hedabideei: "Shock egoeran gaude oraindik".
Kazetariek hilketa nork egin duen susmatzen ote duten galdetuta, zera adierazi du: "Kaputxaduna zela esaten dute". Eta ez dutela "susmorik" gaineratu du; izan ere, "Mocejon herri lasaia da, eta gauza hauek ez dira inoiz gertatu. Lehen aldia da".
Mocejongo Udalak hiru dolu-egun ezarriko ditu. "Erabat atsekabetuta gaude eta gure babesa helarazi nahi diegu haurraren familiari eta lagunei", esan du Conchu Cedillo herriko alkateak, eta igandeko 19:30ean, udaletxe atarian, minutu bateko isilunea egingo dutela jakinarazi du.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.