Soriako urtegi bateko uretan desagertu den Tuterako gazte baten bila ari dira
Soriako Larrialdi Zerbitzuak 25 urteko Tuterako (Nafarroa) gazte baten bila ari dira, atzo arratsaldean La Cuerda del Pozo urtegiko (Soria) uretan desagertu ostean.
Zorigaiztoko gertakaria atzo arratsaldean jazo zen. 18:00ak aldera, urtegiko uretan, Playa Pita izeneko gunean, pertsona bat ito zelakoan.
Gizonezkoa bikotekidearekin zegoen (tuterarra bera, 24 urtekoa). Biek ala biek Tarazonan (Zaragoza) egiten dute lan, eta han jaieguna zela aprobetxatuta, Soriako paraje horretara joan ziren, arratsaldea pasatzera.
Bikoteak pedalo batzuk hartu zituen, eta Playa Pitako moiatik 500 bat metrotara, gizonezkoa uretan sartu zen. Azalera ateratzen ez zela ikusita, emakumeak larrialdietara deitu zuen.
"Gazteak bazekien igerian, baina ez oso ondo. Neskak, berriz, ez daki igeri egiten. Hortaz, ezin izan dio lagundu", azaldu du Miguel Latorre Espainiako Gobernuak Sorian duen ordezkariordeak.
Soriako suhiltzaileak bi orduz egon ziren gorpua bilatzen, ilundu zuen arte. Gaur goizean berrekin zaie bilaketa lanei.
Uste dute gaztearen gorpua 11-12 metroko sakoneran egon litekeela.
Zure interesekoa izan daiteke
Eskualdeko mailako ekitaldia egin dute Zaldibiako gurasoek Ordizian, DBH 3. eta 4. mailatako ikasleei eskola garraioa berrezartzea eskatzeko
Urdako istripuan hildako 69 pertsonetatik 56 identifikatu dituzte
Txertaguneak itxi dituzte, gripearen eta covid-19aren aurkako 55.000 txerto eman ondoren
Renferen zerbitzua normaltasunera itzuliko da Gipuzkoan astelehenetik aurrera
Orion su hartu ostean erdi hondoratuta dagoen ontzitik gasolioa ateratzen ari dira
Artxandako tuneletako bat itxita egongo da astelehenetik: eragozpen nagusiak, bide alternatiboak eta aholkuak
Bilboko gotzainak elkarrizketarako deia egin du, "berriz ere indarkeria agertu ostean, aurretik izan zenaren berdina izan ez arren"
Jendetza euskal hilerrietan, Santu Guztien egunean
Espainiako Gobernuak asteartean onartuko ditu Urdako istripuaren biktimentzako laguntzak
