Nafarroako Gobernuak UNRWA saritu du palestinarrekin egiten duen lanagatik
Palestinako Iheslarientzako Nazio Batuen Agentzia (UNRWA) saritu du gaur Nafarroako Gobernuak Tuteran, irailaren 21a Bakearen Nazioarteko Eguna dela eta egindako ekitaldi batean.
NBEren Agentziak Sirian, Libanon eta Jordanian zein Gazako eta Zisjordaniako lurraldeetan dauden errefuxiatu palestinarrei hezkuntza, osasuna, laguntza humanitarioa eta gizarte-zerbitzuak bermatzea du helburu.
5,9 milioi pertsonako komunitatea osatzen dute errefuxiatu palestinarrek, mundu osoko errefuxiatuen ia laurdena dira, eta 1.000 instalazio baino gehiago ditu UNRWAk horiei guztiei laguntzeko. 30.000 langile ditu agentziak, eta horien % 99 errefuxiatuak dira.
Maria Chivite Nafarroako Gobernuko presidenteak nabarmendu duenez, "zailtasun handien erdian", "erreferentzia izan da UNRWA oinarrizko zerbitzurik ez duten biztanleentzat, osasun, hezkuntza eta gizarte zerbitzuen arloan laguntza emanez".
Halaber, Gazan etxeak, eskolak eta ospitaleak berreraikitzeko 40.000 milioi dolar beharko direla ohartarazi du, eta 2 milioi errefuxiatu baino gehiagoren osasun fisiko eta mentala zaintzea "belaunaldietako lana" izango dela.
Raquel Marti UNRWAk Espainian duen zuzendari exekutiboak Nafarroako Gobernuaren eta herritarren babesa eskertu du bere hitzaldian, eta gogora ekarri du 2006an hasi zirela Foru Erkidegoan lanean.
Nabarmendu duenez, 2023ko urriaren 7tik UNRWAk 40.000 haur eta neraberi baino gehiagori lagundu die, bai jarduera ludikoen bidez, bai inoren kargura ez dauden haurrei laguntzeko saioen eta banakako eta taldeko kontsulta psikosozialen bidez ere.
UNRWAk eta bere bazkideek amaitu berri dute polioaren aurkako kanpainaren lehen fasea Gazan. 10 urtetik beherako 558.000 haurri baino gehiagori jarri diete polioaren kontrako txertoa Gazako Zerrendan.
Agentziako langileen izenean mezu bat helarazi nahi izan du, eta "Gazan gertatzen ari denarekin ez ohitzeko" eskatu die bertaratutakoei, "onargarria den zerbait" bihur ez dadin.
"Ez utzi Gazari buruz hitz egiteari, ez utzi Palestinari buruz hitz egiteari, ez baztertu begirada, minduta egon arren, eta babestu nire lankideak bezala bizitza bertan uzten ari diren pertsonei laguntzen", adierazi du Martik.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.