Tentsioa Kaleko Afari Solidarioen aurka baimenik eskatu gabe egindako protesta batean
Ertzaintzak sei pertsona identifikatu zituen, Kaleko Afari Solidarioak ekimen solidarioaren aurka Donostian baimenik eskatu gabe egin zen elkarretaratzean, astelehenean. Hasiera batean, "segurtasun handiagoa" eta "delinkuentzia murriztea" eskatzeko deitu zuten protesta, sare sozialen bidez, eta PPko hiru zinegotzik ere parte hartu zuten.
Elkarretaratzea 20:00etan hasi zen, Iztueta kalearen inguruan. Kaleko Afari Solidarioak kolektiboak afariak ematen dizkie baliabiderik ez duten edo kalean dauden pertsonei, horietako batzuk migratzaileak. Otorduak Kalkutako Teresa plazan dagoen Justizia Jauregitik oso gertu ematen dituzte.
Kaleko Afari Solidarioak: "Guk ez genuen kontra egiteko elkarretaratzerik deitu"
Kolektibo solidarioko iturriek azaldu dutenez, protesta deialdiaren berri izandakoan, ordu erdi aurreratu zuten afarien banaketa, 19:30era (20:00etan egin ohi dute), hura "bermatzeko" eta "edozein istilu saihesteko".
"Konfrontazioa ez da gure egiteko modua, eta hala egin genuen", zehaztu dute iturri horiek, eta argitu dute Kaleko Afari Solidarioak kolektiboak ez zuela "kontra egiteko elkarretaratzerik" deitu, eta boluntarioek alde egin zutela "afariak banatu ondoren", une hartan "inolako gatazkarik" sortu gabe.
Nolanahi ere, protestarako aukeratutako lekua Iztueta kalean izan zela nabarmendu dute, afari solidarioak banatzen dituzten tokiaren "ondoan", hain zuzen ere.
Dagoeneko Udalak afari banaketa debekatzeko erabakia hartu du, eta hala jakinarazi die Egiako kideei udaltzaingoaren bidez, ahoz egindako notifikazio batean. Udalak "segurtasun arazorik" egon ez dadin debekatu ditu afariak.
Sare Antifaxistak eta Kontseilu Sozialistak berehala salatu dute Udalaren erabakia sare sozialetan. "Elkartasuna ezin da debekatu!", adierazi du lehenengoak, eta "faxismoaren eta arrazakeriaren hedatzearen aurrean antolatu! Kaleko Afari Solidarioekin elkartasun osoa!" bigarrenak.
"Zein alternatiba emango die Udalak ekimen honi esker kale egoeran dauden eta egunean otordu bero bakarra hartzeko aukera duten 200 herritarrei?", galdetu du EH Bilduk X sare sozialean.
Zigor administratiboak
Eusko Jaurlaritzako Segurtasun Sailak gaur jakitera eman duenez, baimenik gabeko elkarretaratzean identifikatutako sei pertsonei Herritarren Segurtasunerako Legea urratzeagatik zigor administratiboak jarriko dizkiete.
Zehazki, horietako lau desordena publikoengatik zigortuko dituzte, eta bi "poliziaren lana oztopatzeagatik". Aipatu iturrien arabera, Ertzaintza bertaratu zen, sare sozialen bidez Segurtasun Sailari jakinarazi ez zitzaion elkarretaratze hori antolatu zela jakin ondoren.
Instagrameko profil baten bidez egin zen deialdia, herritarrei "elkarretaratze baketsu" batean parte hartzeko deia eginez, eta protesta "astelehenero" errepikatzeko eskatuz.
PPk protestara joan zela baieztatu du
Bestalde, Jorge Mota PPko zinegotziak baieztatu du bera eta Borja Corominas eta Vanesa Velez alderdikideak elkarretaratzean izan zirela.
Zinegotziak "duela urte batzuk" egiten ziren "kontra-elkarretaratzeekin" alderatu du gertatutakoa, ETAren aurka protesta egiteko Bakearen usoan edo Artzain Onaren plazan biltzen zirenean, beste batzuek bakezaleen ekintzak "lehertzeko" asmoz egiten zituztenak.
Motak zehaztu duenez, ika-mikak hasi zirenean, Ertzaintza iritsi zen, eta ertzainek "hesi-lana" egin zuten taldeen artean. Hala ere, besteen "irainek jarraitu zuten", eta "liskarren bat" gertatu zen.
Zinegotziaren hitzetan, une jakin batean Ertzaintzako agintari batek esan zio "bi elkarretaratzeak legez kanpokoak zirela, ez zeudelako baimenduta".
Azaldu duenez, PPko hiru zinegotziek ez zuten horren berri, eta Poliziak tokia husteko bost minutuko tartea eman zuenean, guztiak "lasai" alde egin zuten, ez baitzuten "legez kanpoko protesta batean" parte hartu nahi.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.