Kamioilari bat atxilotu dute Erriberrin, onartutako alkohol-tasa baino 8 aldiz handiagoa emateagatik

Kamioilari bat atxilotu dute gaur, larunbata, AP-15 autobidetik 30 km/h-ko abiaduran zihoala Erriberri parean geldiarazi, eta alkoholemia-proban gehienez ere onartutako alkohol-tasa baino 8 aldiz handiagoa emateagatik.

Kamioia 30 km/h-ko abiaduran zihoalako gelditu du Foruzaingoaren patruila batek, eta gidaria alkoholaren eraginpean zegoela sumatuta, alkoholemia-proba egin diote eta botatako arnasan litroko 1,17 miligramo alkohol atzeman dizkiote (gehienez ere 0,15 mg/l dago onartuta).

Horren aurrean, Foruzaingoak kamioilaria atxilotu, eta beharrezko eginbideak betetakoan, epailearen esku utzi du.