AEMETek laranjara jaitsi du Valentziako hegoaldeko kostaldean euriagatik ezarritako abisua
Estatuko Meteorologia Agentziak (AEMET) gorritik laranjara jaitsi du gaur arratsalderako Valentziako hegoaldeko kostaldean ezarritako abisua, prezipitazioen bilakaera ikusita. Hala ere, eurite gogorren arriskua handia da oraindik.
Inguru hori alerta laranjan egongo da 22:00ak arte; izan ere, ordura arte metro koadroko 40 litroko zaparrada lokalizatuak izan daitezke ordubetean, eta 100 litrokoak hamabi orduan. Ekaitzak egon daitezke eta txingorra ere bota dezake.
Abisu laranja asteleheneko 09:00ak arte mantenduko dute Castelloko hegoaldeko kostaldean eta Valentziako iparraldeko kostaldean, ordubetean 40 litro pila bailiteke. Ekaitzak eta txingorra ere izan daitezke.
Abisu horian izango da, halaber, asteleheneko 09:00ak arte, Castelloko hegoaldeko barnealdea, ordubetean 20 litro bota baititzake, eta ekaitzak lehertu.
Euri asko uzten ari diren laino horiek iparraldera ari dira mugitzen eta hurrengo egunetan Katalunia aldera egingo dute.
Euri-alertaren aurrean babesteko deia egin dute
Arratsaldean, goialdeko borraskak aste honetan kaltetutako Valentziako udalerrietako udalek etxera itzultzeko eskatu diete kalean zeuden herritarrei, euri-alertak zirela eta.
Esaterako, Aldaia, Massanassa, Alfafar, Albal, Alaquas, Algemesi, Pedralba edo Chivan, kalean zeuden pertsonei gomendatu diete lan egiteari utzi eta etxera joan zitezela. Eraikinetako goiko solairuetara igotzeko bideak itxita edukitzea eta kalera ez irtetea gomendatu dute.
Igande honetan, uholdeak gehien kaltetutako eremuetako hamaika udalerritan mugatuta egon da egoiliarrak ez diren pertsonak sartu eta irtetea, euriteengatiko alerta aurreikuspenen ondorioz. Zehazki, debekatuta egon da boluntarioak Aldaia, Alaquas, Picanya, Sedavi, Paiporta, Benetusser, Alfafar, Massanassa, Catarroja, Albal eta Beniparrell herrietan sartzea.
Albiste gehiago gizartea
Aurkikuntza arkeologiko oso garrantzitsua Iruñean: Barbazanako dorrearen barruan dagoen Kanonigoen atea
Iruñean, arkeologia aurkikuntza berria bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Bertara bisita gidatua egiteko aukera du nahi duenak.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.