Gehienez ere 7.100 lagun atera ahal izango dira Gasteizko inauterietako desfileetan
Gasteizko Udalak inauterietako desfilean parte hartuko duten pertsona-kopurua mugatzea erabaki du, segurtasun arrazoiengatik, zaratak Santiago ospitalean duen eraginagatik eta beharrezkoak diren udaltzainen kopuruagatik.
Gasteizko Udaleko osoko bilkurak larunbat eta igandeko inauterietako desfileetan gehienez ere 7.100 lagunek parte hartzea erabaki dute. Konpartsekin batera eztabaidatu eta hartutako erabakia da, segurtasun eta antolaketa arrazoiengatik bultzatutakoa.
Osoko bilkuran zuzenketa bat onartu da, PSE-EE, EAJ eta Elkarrekin alderdien aldeko botoekin, eta atzera bota da desfileetan mugarik gabeko parte-hartzea defendatzen zuen EH Bilduren mozioa.
Kultura eta Hezkuntza zinegotzi Sonia Díaz de Corcuerak azaldu du zergatik proposatu duen muga.
2024an desfileak 3 ordu baino gehiago iraun zuen egunetako bakoitzean, eta horrek eragin handia izan zuen hiriaren segurtasunean.
Alde batetik, desfilearen ibilbidea hiriaren zati handi batetik igarotzen da, hiria ia bitan zatituta gelditzeraino, eta trafikoa eten egin behar izaten da. Gainera, tamainagatik ez da posible izaten pasatu ahala zabaltzea, beste ekitaldi batzuetan gertatzen den gisan, blusen eta nesken kalejiretan adibidez.
Bestetik, tranbia ere 3 ordu baino gehiagoz moztuta egoten da Legebiltzarreko eta Angulemako geltokien artean, eta 4 adarrei eragiten die.
Gainera, desfileak eragin nabarmena du Santiago ospitalean. Berez haren inguruan dezibelioak mugatu behar dira, baina bolumen handiko musika duen desfilea bat dator babestutako ordutegi-tarteekin. Gainera, desfileak anbulantzien joan-etorriak baldintzatzen du, bai eta Santiago ospitalerako sarbideak ere.
Desfilea mugatzeko beste arrazoietako bat behar diren udaltzainak dira; izan ere, karroza eta ibilgailu askok ez dute zirkulatzeko baimenik, eta, horregatik, Udaltzaingoak lagundu behar die. Bidegurutzeetan trafikoa kontrolatzeko eta ixteko ere polizia-agenteak behar dira. Ondorioz, operatibo guztiak 26 agente behar ditu.
"Hori guztia ez diot nik, Udaltzaingoak dio. Desfileak 3 ordu baino gehiago iraunez gero, trafiko eta tranbia etenak luzeagoak izango dira, Santiago ospitalean eta bertan dauden pertsonengan eragin handiagoa izango du, eta polizia gehiago beharko dira", esan du Kultura eta Hezkuntza zinegotziak.
Bestalde, gogora ekarri du hirian oro har eragiten duen inpaktua, baita desfilean parte hartzen ez dutenei ere, eta "250.000 pertsona baino gehiagori" eragiten diela esan du.
Zure interesekoa izan daiteke
Bizkaitik Nafarroara droga eramaten zuen sare bat desegin dute: lau atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gaizkile beterano bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.