EAEko erakundeek ijitoekiko elkarbizitzaren aldeko eta antiziganismoaren aurkako adierazpena sinatu dute
Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Osoko Bilkurak ijito herriarekiko elkarbizitzaren aldeko eta antiziganismoaren aurkako adierazpen bat aurkeztu du gaur Gasteizen, Euskadiko Ijito Herriaren Egunean.
Eusko Jaurlaritzak 2022-2026 aldirako Ijito Herriarekiko Euskal Estrategiaren barruan kokatu du gaur aurkeztutako eta euskal erakundeek sinatutako adierazpena, "eta kolektiboak jasaten duen diskriminazio historikoa eta egiturazkoa gainditzen lagundu nahi du".
Nerea Melgosa Ongizate, Gazteria eta Erronka Demografikoko sailburua buru duen eta ijitoen elkarteak barne hartzen dituen kontseiluak aurkeztutako adierazpenak neurri zehatzak eskatzen ditu ijitoen aurkako jarrerak desagerrarazteko.
Dokumentuak hainbat mendetan zehar ijito herriak EAEn izan duen presentzia eta bizikidetza zehazten ditu; izan ere, Euskal Herrian ijitoen presentziaren berri ematen duten lehen dokumentuak XV. mendekoak dira, "lurralde horri ekarpen sozial, kultural eta linguistiko ugari egin baitizkiote". Hala ere, euskal lurraldeetan, "Europako gainerako herrialdeetan bezala", Ijito Herriak "egiturazko bidegabekeria sistematikoa jasan du eta jasaten du", eta "botere politikoaren guneetatik baztertu dute eta gainerako gizartearen aurrerapen sozial, ekonomiko eta kulturalen kuotetatik zokoratu dute".
Era berean, emakume ijitoekiko egiturazko diskriminazioa ere kontuan izan dute, eta, horregatik, "genero-antiziganismoaren adierazpen ezberdinen bidez emakume ijitoen aurka dauden indarkeria-mota guztien aurka benetan borroka egingo duen" gizarte bat eraikitzearen alde egin dute.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.