Arrasateko Udalaitz mendian min hartu duen mendizale bat erreskatatu dute helikopteroz
Ertzaintzak mendizale bat erreskatatu behar izan du igande honetan, helikopteroz, Arrasateko Udalaitz Mendian. Izan ere, gailurrean zela erori egin da gizona eta min hartu du.
Segurtasun Sailaren arabera, 10:30ean jaso du SOS Deiak 112 zerbitzuak deia, Udalaitzen min hartuta zegoela gizonezko bat eta zauriak zituela buruan eta zango batean.
Ingurunearen ezaugarriengatik, Eusko Jaurlaritzako Larrialdiei Aurre Egiteko Zuzendaritzako teknikariek Ertzaintzaren helikoptero bat bidali dute bertara, Zaintza eta Erreskate Unitateko Mendi Ataleko agenteekin.
Zauritutako gizona helikopteroz erreskatatu eta Arrasateko errugbi zelaira eraman dute. Han anbulantzia zuen zain, eta Debagoieneko Ospitalera eraman dute.
Albiste gehiago gizartea
Osakidetzan inbertsioa areagotzearen garrantzia azpimarratu du arartekoak, hiritarren kexen aurrean
Ines Ibañez de Maeztuk Osasun Itunaren ostean hartuko diren neurrien esperoan dagoela adierazi du, egoera hobetuko dutenaren itxaropenarekin. "Etxebizitza eskubidearen eraginkortasuna bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.
Orexa, estaldurarik gabe jarraitzen duen herria
Gipuzkoako Orexa herriak Europako zati batek jasandako itzalaldiaren ondorioak pairatzen jarraitzen du: estaldurarik gabe daramatzate zazpi aste. Movistar konpainiak ez die irtenbiderik ematen eta inpotentzia da nagusi herrian.