Zarauzko hondartza klima-aldaketaren aurka egokituko da, olatuen eragina murriztu eta pasealekua babesteko
Zarauzko hondartzan, euskal kostaldeko hondartzarik zabalenean, ingurune naturala eta hiri-azpiegiturak babesteko esku-hartzeak egingo dira, klima aldaketari aurre egiteko asmoz. Hala, olatuen eragina murrizteko, sarbideak hobetzeko eta itsas pasealekua babesteko neurriak hartuko dira; izan ere, lanok egingo ez balira, 2050erako, azaleraren % 30 galtzea ekarriko luke. Dena ondo bidean, lanak 2025 amaieran hasiko dira, datorren udaren ondotik, eta 12 hilabeteren buruan amaituko dira. 1,5 milioi euroko aurrekontua izango dute.
Lanok Narros-Munoaren aurrealdean hasiko dira, hain zuzen ere ostalaritzako eta jarduera ekonomikoetako hainbat lokal dauden gunerik problematikoenean. Lehenengo fasean, mendebaldeko hondartzarako sarbideak birmoldatzea planteatu da, Munoa plazatik jaitsi eta hondartza lehorrean sartzen diren eskailerak eraitsiz, baita itsas pasealekuaren gaineko hegala ere. Bestetik, itsas pasealekua 0,50 metro altxatuko da 158 metroan zehar, segurtasuna eta irisgarritasuna hobetzeko eta uholdeak eta egiturazko kalteak saihesteko. Gainera, pasealekua olatuetatik babestuko da botaola-horma baten bidez.
Ostegun goizean Mikel Jauregi Industria, Trantsizio Energetiko eta Jasangarritasunaren sailburuak Xabier Txurruka Zarauzko alkatearekin batera bisita egin dute jarduerak aurreikusita dauden eremura. Euskadiko proiekturik handiena da ekintza klimatikoari dagokionez, Europar Batasunak babestua eta Ihobe Eusko Jaurlaritzaren Ingurumen Jarduketarako Sozietate Publikoak koordinatua, hogei erakunde baino gehiagorekin lankidetzan.
Itsasertzeko inpaktuak kezka iturri dira azken boladan itsasertzeko udalerrietan, euskal biztanleriaren % 60 inguru Zarautzen moduko kostaldeko eremuetan bizi baita. Gauza jakina da, alde batetik, itsas maila nabarmen ari dela gora egiten, eta olatuek ere gero eta gogorrago jotzen dutela pasealekuetan. Jauregik ohartarazi duenez, "2050erako, komunitate zientifikoak itsas mailaren 26 cm-ko igoera aurreikusten du, eta 2.100erako igoera 51 cm-tik 1m-ra bitartekoa izango da Euskadin".
Gauzak horrela, beharrezkotzat jo ditu Jauregik gisa horretako "arintze- eta egokitze-ekintzak, gure lurraldea erresilienteagoa izan dadin". Zarauzko alkateraren hitzetan, berriz, "premiazkoa da Zarauzko kostaldea babesten lagunduko duten neurri horiek martxan jartzea urte osoan zehar jarduera ugari eta bizia izaten duen gune honetan"; izan ere, gero eta ohikoagoak dira muturreko gertaerak, eta atzera begiratzea besterik ez dago 2014ko denboraleak, Gipuzkoako udalerri horretako malekoian eragin zituen kalte larriak ikusteko.
Zarauzko Udalak lanak lizitazio bidez esleituko ditu 1,5 milioi euroko zenbateko ekonomikoarekin eta 12 hilabete inguruko exekuzio epearekin.
Zure interesekoa izan daiteke
Uribe Kostako ikasleek babesa eman diote jazarpena jasan duen irakasleari, eta ikasketa-bidaiaren betoari irtenbidea emateko eskatu dute
Uribe Kosta institutuko DBHko 4. mailako ikasleek elkarretaratzea egin dute, ikasketa-bidaia bertan behera uztearen aurka protesta egiteko. Izan ere, ikastetxeak eskolaz kanpoko jarduera guztiak bertan behera utzi ditu, Adingabeen Fiskaltzaren aurrean salatu duten irakasle baten aurkako etengabeko jazarpenagatik.
Naroa Iturri, Askabide Klinika: "Epaiketara iristea garaipen bat da guretzat"
Naroa Iturri Askabide klinikako arduradunetako batek adierazi duenez, beraiek nahi dutena da beren kliniken inguruan segurtasun perimetro bat legez ezartzea, lasai lan egin ahal izan dezaten.
Joxe Ramon Bengoetxea (EHU): "Gure politika bakarra unibertsitate politika da"
Bere hitzetan, azkenaldian tentsio gisa interpretatu diren gertakarien atzean dagoena da “bi elementuk denboran kointziditu” izana: “Bat, Jaurlaritzak egindako aurrekontuen proposamena, eta bestea, gu gure premien azterketa eta diagnosia bukatzen ari ginela. Bi gauza desberdin dira”, Bengoetxearen esanetan. “Jakina gure premien diagnosia egiten da gero horrek aurrekontuetan isla izateko asmoarekin, baina jabetzen ginen denborak eta epeak desberdinak direla”, gaineratu du.
Martxan da Gasteizko Askabide klinikaren aurrean protesta egin zuten 21 lagunen aurkako epaiketa
Zigor arloko 1 zenbakiko epaitegiak ahozko hiru saio ditu aurreikusita aste honetarako: astelehenean, asteartean eta ostegunean egingo dituzte saioak. Lehenengo egunean lekukoek hartu dute hitza.
Sei ibilgailu kiskali dira Gasteizko industria-pabiloi gune batean izandako sutearen ondorioz
Ezbeharra 06:00ak inguru jazo da, Miravalles kaleko pabilioi-gune batean. Ez da zauriturik izan. Ertzaintzak ikerketa abiatu du sutearen nondik norakoak argitzeko.
Boliviak azken agurra eman dio Xabier Azkargortari
Senideek, zaleek eta 94ko selekzioko jokalariek omenaldi hunkigarria egin diote azpeitiar entrenatzaile ohiari.
Osakidetzak 45 urtera aurreratuko du bularreko minbizia atzemateko baheketa, eta bere gain hartuko ditu egun pribatura bideratzen dituen abortuak
Osasun sailburuak iragarri duenez, progresiboki hasiko dira haurdunaldiaren borondatezko etenak egiten, "bi urteren buruan" beren gain hartzeko aurreikuspenarekin. Gainera, 2027rako, 45 urtera jaitsiko da bularreko minbizia atzemateko baheketen adina.
56 pertsona hil dira trafiko-istripuetan Hego Euskal Herrian urtea hasi zenetik
Bide Indarkeria STOP elkartearen ustez, datu "onartezinak" dira, eta, hori dela eta, premiazko neurriak, kontrol gehiago, zigor gogorragoak eta erakundeen bizkortasun handiagoa eskatu dituzte.
Trafiko-istripuetan hildakoak Bilbon oroitu dituzte senideek
Gaur, Trafiko Istripuen Biktimak Oroitzeko Munduko Eguna da. Biktimen familiak Bilbon bildu dira, horiek gogoratzeko. Bide-hezkuntza nahitaezko irakasgaia izatea eskatu dute berriro; izan ere, senideen esanetan, gure ardura da biktimen kopurua murriztea.
Maialen Mazonen hilketaren instrukzioa amaituta, 45 urteko espetxe-zigorra eskatu dute akusatuarentzat
Gasteizen zein euskal gizartean, oro har, hotzikara eragin zuen 2023an kasuak. Haurdun zegoela, 13 labankadaz hil zuen ustez bikotekide ohiak Maialen, 2 urteko alabaren aurrean. Laster aukeratuko da epaimahaia, eta, ondoren, epaiketa 2026ko lehen sehilekoan egiteko data ezarriko da. Kasuak ezbaian jarri zuen Ertzaintzaren indarkeria matxistaren inguruko protokoloa.