525 migratzaile baino gehiago iritsi dira Kanariar Uharteetara 24 ordu pasatxoan
525 pertsona migratzaile baino gehiago iritsi dira Kanariar Uharteetara 24 ordu pasatxoan (asteazken goizaldetik ostegun goizaldera arte), zortzi ontzitan, Itsas Salbamenduak, Gurutze Gorriak eta Kanarietako larrialdi zerbitzuek emandako datuen arabera.
Horrela, Eguberri eguneko goizaldean, Itsas Salbamenduak 80 pertsona inguru zeramatzan ontzi bat erreskatatu zuen, Hierrotik hiru itsas miliatara zeudela. Horietatik hiru gizon ospitalera eraman behar izan zituzten hainbat patologiagatik.
Asteazken goizean, 42 migratzaile zeramatzan beste ontzi bat Los Cristianoseko (Tenerife) portura eraman zuten, Itsas Salbamenduak uhartearen inguruko uretan aurkitu ondoren. Migratzaile horietako bat ospitalera eraman zuten.
Ondoren, 75 pertsona zeramatzan beste ontzi bat La Restingako kairaino (Hierro) eraman zuten. Guztiak osasun egoera onean zeuden itxuraz.
Eguberri eguneko arratsaldean, Itsas Salbamenduak beste bi ontzi ere atzeman zituen Kanaria Handitik gertu, 64 eta 68 migratzailerekin, hurrenez hurren, eta Arguineguingo portura eraman zituzten. Horietatik sei ospitalera eraman behar izan zituzten.
Ostegun goizaldean, Guardamar Polimniak bi ontzi gehiago aurkitu ditu artxipelagoaren hegoaldean, eta 129 pertsona erreskatatu ditu.
Azkenik, abenduaren 26ko goizean, Itsas Salbamenduak beste ontzi bat atzeman du Saharaz hegoaldeko 67 pertsonarekin, Hierro uhartetik hamaika milia hego-ekialdera, eta horietako bat ospitale batera eraman behar izan dute.
Alfonso Cabello Kanarietako Gobernuko bozeramaileak adierazi duenez, uharteak 45.000 migratzaile baino gehiago hartu ditu 2024an (aurreko urtean baino 5.000 gehiago), eta alderdi politiko guztiei dei egin die irtenbide bat bilatzeko, erkidegoak bizi duen dramari Estatu mailako erantzuna eman ahal izateko.
"Kanarietatik beharrezkotzat jotzen ditugun urrats guztiak ematen eta mahai gainean dauden aukera guztiak jartzen jarraitzen dugu, baina aurten inoren kargura dauden 6.100 adingabe migratzailetik gora iritsi dira Kanarietara", gogorarazi du. Cabellok azpimarratu du egoera "erabat jasanezina" dela.
Kanariek eta Euskal Autonomia Erkidegoak azken Presidenteen Biltzarrean mahai gainean jarri zuten agiriari dagokionez, bozeramaileak esan du ez dela inolako adierazpenik egin, baina Juntsekin eta alderdi guztiekin hizketan ari dira, uharteetan gaur egun dituzten 5.500 adingabeei irtenbidea emango dien dekretu bat bultzatzen saiatzeko.
10.457 pertsona hil ziren 2024an Espainiako kostaldera iristeko ahaleginean, hau da, egunean ia 30. Aurreko urtearekin alderatuz, % 58 hazi da kopurua, Caminando Fronteras erakundeak jakitera eman duenez.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.