Sekula baino kexa gehiago bidali dizkiote Arartekoari 2024an, asko Osakidetzarekin lotuak

Manu Lezertua Arartekoak esan du 2024an sekula baino kexa gehiago jaso dituela, Osakidetzarekin lotuak izan direla asko, eta etxebizitzari dagozkionak asko hazi direla.

Herritarren defendatzailearen zeregina arautzen duen legearen 40. urteurrenaren atarian Lezertuak Radio Euskadin egindako elkarrizketa batean adierazi du "derrigorrezkoa" izan beharko litzatekeela Arartekoaren aholkuak eta eskaerak betetzea, eta horixe jaso beharko lukeela araudiak. Dena den, erakundeari zigorrak jartzeko gaitasuna ematearen aurka dago.

Administrazio publikoaren aurrean aurrez hitzordua hartu beharraren kontra ere agertu da Lezertua, zerbitzuak "unibertsala, gertukoa eta enpatiaduna" izan behar duelako.