Luis de Lezama euskal apaiz eta enpresaria hil da
Luis de Lezama Barañano apaiz, ostalaritzako enpresari eta idazle arabarra, Lezama apaiza goitizenarekin ezagutzen zena, hil da gaur, 88 urterekin, Ramiro Gonzalez Arabako ahaldun nagusiak baieztatu duenez.
"Luis de Lezama, Aita Lezama, duela minutu batzuk hil da, bere zeregin eta jarduera ugarien bidez beti besteei eskainitako bizitza bizi baten ondoren. Biziki sentitzen dut pertsona on, ekintzaile eta hurbil baten heriotza", idatzi du ahaldun nagusiak bere sare sozialetan.
Bere izena daraman ostalaritza talde garrantzitsuaren sortzailea "Euskal Herritar Unibertsal" izendatu zuen Eusko Jaurlaritzak 2017an.
Kazetaria eta Israelgo Sei Eguneko gerran korrespontsala ere izan zen. Bere bizitzako azkenaldian hezkuntzan aritu zen, eta Madrilgo ikastetxe garrantzitsuenetako bat sortu zuen: Santa Maria la Blanca. Bertan egingo da hileta datorren astelehenean.
Bere bizitza jasotzen duen Un cura y una taberna dokumentala EITBren Primeran aplikazioan eta EITB Nahieran atarian ere ikus daiteke:
Eguberrietan, Arabako domina eman zion Foru Aldundiak bere ibilbideagatik eta pertsona behartsuei garatzen laguntzeko egindako lanagatik.
Biografia
Luis de Lezama Amurrion (Araba) jaio zen 1936an. Batxiler ikasketak egin zituen Indautxuko Jesuiten Ikastetxean (Bilbo), eta, ondoren, Madrilera joan zen, Comillasko Unibertsitateko ICAI Ingeniaritza Goi Eskola Teknikoan ikasketak hasteko.
1955ean, ordea, Madrilgo Elizbarrutiko Seminarioan sartu, eta 1962an apaiz egin zen.
Chinchónen (Madril) izan zuen lehen parrokia, eta bertan berehala hasi zen herritar xumeenekin lanean. Langileen baldintzak hobetzera bideratutako hainbat ekimen eta gizarteratze-arazoak dituzten gazteentzako prestakuntza-ekintzak bultzatu zituen.
Handik Madrilgo Armias auzora lekualdatu zuten, eta bertan Alabardero taberna sortu zuen 1974an. Taberna hori Lezama Taldearen ernamuina izan zen. Gizarte-ekonomiako enpresa-eredu aitzindaria da, eta nazioartean erreferente bihurtu da. Egun, besteak beste, Marbellan eta Washingtonen ere ditu lokalak.
Jatetxe horiek aukerak ematen dizkiete profesionalki eta gizatasunez garatzeko zailtasunak dituzten gazteei, kalitatezko prestakuntza, hezkuntza berritzailea eta ostalaritza-kudeaketa eskainiz.
Era berean, Iruaritz Lezama Fundazioa, Sevillako Ostalaritza Goi Eskola eta Santa Maria la Blanca ikastetxea jarri zituen martxan 2009an, Madrilgo Montecarmelo auzoan.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.