Iñigo Urkullu, ETS, Las Poderosas eta Jabo Irureta, Sabino Arana Fundazioaren 2024ko saridunen artean
Sabino Arana Fundazioak gaur jakinarazi du nortzuek jasoko duten 2024ko Sabino Arana saria. Iñigo Urkullu lehendakaria, En Tol Sarmiento musika-taldea, emakumeen trafikoaren aurka lan egiten duen Las Poderosas emakume-taldea, Javier Iruretagoiena futbol-jokalari eta entrenatzailea, Leopoldo Martinez abokatu eta politikari venezuelarra, Stephane Sejourne politikari frantziarra eta Jean-Claude Larronde abokatu eta historialaria sarituko dituzte aurten.
Mireia Zarate eta Ignacio Etxeberria Sabino Arana Fundazioaren presidenteak eta idazkariak, hurrenez hurren, eman dituzte ezagutzera izenak, eguerdian, Bilboko euren egoitza nagusian egin duten prentsaurrekoan.
Banan-banan egin dute sarituen ibilbidearen errepasoa, gizartearen alde egin duten lana nabarmenduz. Hala, Iñigo Urkulluri buruz lehendakari izan zen urteetan "akordioak adosteko" eta "guztion onerako lan partekatua sustatzeko" izandako "gaitasuna" goratu dute. ETS taldeari buruz, berriz, 20 urteko ibilbidean "Euskadiko mugatik, Arabako Errioxatik, euskararen alde egindako apustu sendoa" azpimarratu dute. Eta bide beretik, gainerako sarituek bere lan-esparrutik euskal "gizarteari egindako ekarpenaren balioa" aitortu nahi izan dute Zaratek eta Etxeberriak.
1989. urtetik banatzen dira Sabino Arana sariak eta, orotara, 202 erakunde eta norbanako saritu dituzte. XXXVI. edizioaren sari-banaketa urtarrilaren 26an izango da, Bilboko Arriaga Antzokian, 12:00etatik aurrera.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.