Araba eta Nafarroa abisupean egongo dira elurragatik astelehen honetan
Euskalmet Euskal Meteorologia Agentziak abisu horia ezarriko du elurragatik, urteko lehena, Araban, gauerdian. AEMETek ere alertapean ezarri du Nafarroa.
00:00etan sartuko dira indarrean bi abisuak, eta asteleheneko 10:00etan bukatuko dira. Litekeena da elur-maila 800-1.000 metrora jaistea.
Goizaldean, euri txikia egin lezake, baita egunaren lehenengo orduetan ere, baina asko jota bi zentimetro elur pilatuko dira 1.000 metrotik gorako altueran.
Asteko iragarpena
Azkenaldian izan ditugun neguko egun eguzkitsu eta hotzen ondotik, giro nahasia dator gurera. Bihar, astelehena, Garoe depresioak euria ekarriko du egunaren lehen partean. Eragin askorik izango ez badu ere, goizaldean fronte bat sartuko da Euskal Herrira, nahiko ahulduta, eta tantaren bat edo beste botako du kostaldean zein barnealdean, 10:00ak arte gutxi gorabehera. Araban, gainera, abisu horia ezarri dute, elur-maila 800-1.000 metrora jaitsiko baita. Nafarroan ere egin lezake elurra, baina ez dute oraingoz abisurik iragarri.
Arratsalderako, oskarbi geratuko dira zeruak kostaldean; barrualdean, berriz, estalita egongo dira, baina euria egiteko arriskurik gabe.
Asteartean, hego-haizeak aroa epelduko du. Barnealdeko herrietan, euri apur bat egin lezake arratsalde partean. Egun epela espero da ordurako kostaldean, 15-16 graduko maximoekin, eta 9-11 graduan geratuko dira barrualdean.
Asteazkenean, aurreko eguneko joera errepikatuko da. Tenperatura, gainera, are beroagoa izango da, 18 graduraino igoko baita kostan, eta 14 graduraino barrualdean.
Eguraldiak aldaketa dakar ostegunean. Euria barra-barra botako du, eta termometroek behera egingo dute, ipar-mendebaldeko haizearen eraginez.
Badirudi ostiralean berriro hego-haizea izango dugula gure artean, eta asteazkeneko maximoak errepikatu dira.
Tartean egun asko izanda, datorren asteburuko iragarpena oso zehatza ez bada ere, itxuraz ezegonkorra, euritsua eta hotza izango dira larunbata eta igandea, bereziki asteko azken eguna. Larunbatean, termometroak nekez iritsiko dira 12 gradura kostan eta 9ra barnealdean, eta, esan bezala, are freskoagoa izango da igandea.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.