Eowyn depresioak 134 km/h-rainoko ufadak eragin ditu eta 8 hegaldi desbideratu dituzte Bilboko aireportuan
Eowyn depresioaren ondorioak nabari dira Euskal Herrian, bereziki Bizkaian. Euskalmetek jakinarazi duenez, goizean 100 km/h-tik gorako boladak neurtu dira Punta Galean (121 km/h), Zugaztietan (108 km/h), Matxitxakon (134 km/h) eta Cerrojan (127 km/h).
Hego-haizeak bazterrak gogor astindu dituen erakusgarri, gaur goizean 8 hegaldi desbideratu dituzte haizeagatik Bilboko aireportuan. Gainera, gutxienez 4 bertan behera utzi dituzte.
Testuinguru horretan, Eusko Jaurlaritzako Segurtasun Sailak abisu horia ezarri du Bizkaian. Nafarroa iparraldean, haize-boladak 80-100 km/h-koak izan daitezkeenez, abisua ezarri dute 17:00etatik aurrera.
Gainera, Gipuzkoan eta Arabako ipar-mendebaldean, haize-boladak 70-90 km/h-koak izango dira egunez haizeguneetan, eta 40-60 km/h-koak haizeguneak ez diren lekuetan. Gauean, biziagotu egingo da: haizeguneetan 80-100 km/h-ko ufadak izango dira, eta haizeguneak ez direnetan, 60 km/h-koak.
Goizean, Araban, 80 km/h-tik gorako ufadak neurtu dituzte Tobillasen (Gaubea) eta Zaldiaranen, 83 km/h-koak eta 81 km/h-koak, hurrenez hurren. Gipuzkoan, berriz, bolada bortitzenak Zarautzen (81,5 km/h) eta Zegaman (80 km/h) erregistratu dira.
Azkenik, Aemetek abisupean izango du Nafarroako isurialde atlantikoa 80 km/h-ko ufadak egon daitezkeelako.
Euskalmeten iragarpenaren arabera, hego-haizearen eraginez, tenperaturak gora egingo du, eta tenperatura 18-20 graduren bueltan izango da. Zeruan, erdi-mailako hodeiak eta goi-hodei asko egongo dira, eta ostarte batzuk kostaldetik gertuago. Ez da prezipitaziorik espero.
Larunbatean, egoera aldatu egingo da: eguna grisa izango da, prezipitazioak izango dira eta tenperaturak behera egingo du. Ostiraletik larunbaterako goizaldean, haizeak jotzen jarraituko du eta giroa epel mantenduko da. Goizean goiz, ordea, haizeak mendebaldera egingo du. Horrek hodei ugari eta prezipitazio ugari ekarriko ditu, eta leku batzuetan ugariak izango dira.
Eguneko tenperaturak freskoak izango dira, eta eguneko minimoak larunbateko azken orduetan neurtuko dira.
Igandeari begira, Segurtasun Sailak alerta laranja ezarri du Araban eta Bizkaian haizeagatik, 06:00etatik gauerdira arte.
Getxoko Udalak krisi mahaia aktibatu eta udal plana ezarri du, 0 fasean, igande honetarako aurreikusita dagoen alerta laranja tarteko.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.