Abisu horiekin, haize bortitzarekin eta 5 metroko olatuekin hasiko da astea, denboralearen eraginez
Haize zakarra izango da nagusi Euskal Herrian, gutxienez asteartera arte. Orduko 100 kilometrotik gorako ufadak etorriko omen dira datozen orduetan ere, eta 5 metro inguruko olatuak.
Asteleheneko 00:00tik 06:00etara abisu horia egon da indarrean, haizea dela eta. Hego-ekialdetik joko dute haize-boladek gaurkoan, eta toki haizetsuetan 100 km/h-ra helduko dira (80 km/h-ra, haizeak hain bortitz jotzen ez duen lekuetan).
Atzo eta goizaldean ufada gogorrak neurtu dira, EITB Mediaren meteorologia zerbitzuak bildutako datuen arabera. Igandean jo zuten goia, 175 km/h-ko bolada erregistratu baitzuten Cerrojan (Karrantza, Bizkaia), eta 160 km/h-tik gorakoa, Urduñan. Hain justu, Bizkaiko hirian neurtu dute gaurko ufadarik bortzitzena: 131 km/h-koa.
Nabigaziorako arriskuagatik ere abisu horia ezarriko dute, 06:00etatik 14:00etara, eta isatsaldeko arriskuagatik, 14:00etatik 17:00etara, 4,5 metroko olatuak egongo baitira. Mareagora 15:29an izango da.
Horrez gain, Donostiako Babes Zibilak alerta laranja ezarri du, olatuak direla eta, eta hainbat neurri hartuko dituzte hirian, gaur eta bihar: oinezkoak eta ibilgailuak ezin izango dira Pasealeku Berrira sartu, eta Leizaola Pasealekura eta Haizearen Orrazira sartzea ere debekatuta egongo da.
Asteartean abisupean egongo da ostera ere Euskadi, nabigaziorako arriskuagatik, 00:00 eta 24:00 bitartean. 5 metrorainoko olatuak egon litezke.
Itsasaldeko arriskuak ere abisua ekarriko du, 02:00etatik 06:00etara, eta 15:00etatik 17:00etara. Eguneko lehen itsasgora 03:45ean izango da, eta bigarrena, 16:10ean.
Giroa nabarmen hoztuko da, gainera. Eguneko tenperaturak, batez ere, asko jaitsiko dira, baita elur-kota ere; tarteka, 1.000 metro ingururaino.
Zerua estalita egongo da, eta euria ere egingo du, bereziki eguerditik aurrera eta kostaldean. Ekaitzak ere joko du zenbait lekutan. Tenperatura minimoak asko jaitsiko dira, eta hotza izango da eguratsa, barnealdean gehien bat.
160,9 km/h haize-ufadak, Urduñan
Igandean Urduñan neurtu zituen Euskalmetek eguneko haize-ufada gogorrenak: 160,9 km/h-koak, hain zuzen ere.
Beste lau estaziotan ere izan zen 120 km/h-tik gorako haizea: Oizen (123,8), Zugaztietan (127,7), Matxitxakon (131) eta Garbean (139).
200 gorabehera inguru eragin zituen haizeak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.