55 urteko mendizale bat larri zauritu da Baztanen, Okolin mendian, erorita
55 urteko mendizale bat larri zauritu da igande arratsaldean Baztanen, Okolin mendian izandako eroriko baten ondorioz, Nafarroako Gobernuak jakitera eman duenez.
SOS Nafarroak 12:37an jaso du abisua, goizean mendira irten den mendizale bat desagertu dela esanez.
Cordovilla eta Oronozko parkeetako suhiltzaileak, Erreskate Teknikoko Taldeko kideak, erreskaterako helikoptero bat, helikoptero medikalizatu bat eta Foruzaingoaren patruilak bidali dituzte desagertua bilatzera.
14:00ak aldera, Foruzaingoak mendizalearen ibilgailua aurkitu du Venta Quemadako aparkalekuan, Baztanen, eta 15:07an aurkitu dute Suhiltzaileen Erreskate Taldeko kideek mendizalea, erreskate-helikopteroarekin inguruan hegan ari zirela.
Gizona topatu ondoren, Erreskate Taldeko kideak eta Oronozko parkeko bi suhiltzaile istripuaren gunera eraman ditu erreskaterako helikopteroak, eta zauritua egonkortu dute. Zauritutako gizonak orkatila hautsita zuen eta hipotermia sintomak zituen.
Saioa mendia igo ondoren Venta Quemada aldera itzultzen ari zela, Okolin mendiaren iparraldeko aurpegian, estropezu egin eta 150 metro behera egin ditu irristaka.
Inguru horretako baldintzen aurrean, gizona ateratzeko zailtasunak izan dituzte, baina 16:29rako erreskatatu dute.
Erreskaterako helikopterotik helikoptero medikalizatura pasatu dute, eta bertan eraman dute Nafarroako Unibertsitate Ospitalera (Iruñea). Traumatismo larria zuen orkatilan, eta, hori dela eta, ospitaleratu egin dute.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.